Ասում եք՝ հիվանդ բերեք, բերել ենք, տեղ չկա՛, ես ի՞նչ անեմ…

Շտապօգնության բժիշկները հայտնվել են անելանելի վիճակում: Բանն այն է, որ, չգիտես ինչու, բոլորն առաջին «հարվածը» հասցնում են շտապօգնության բժիշկներին, սակայն բացարձակ մեղավոր չեն նրանք: Այսպիսի մի դեպքի էլ ականատես է եղել «Իրավունքը», երբ շտապօգնության բժիշկը, հիվանդին հասցնելով Նոր Նորքի երրորդ զանգվածում գտնվող «Սուրբ Գրիգոր Լուսավորիչ» բժշկական կենտրոն, մոտավորապես 45 րոպե սպասելուց հետո ստիպված զանգ է տալիս մեկ այլ հիվանդանոցի բժշկի եւ կիսաբղավելով պահանջում, որ հիվանդին անհապաղ ընդունեն այնտեղ, քանի որ վերոնշյալ հիվանդանոցում վերակենդանացման բաժնում տեղ չկա:

«Ասում եք՝ հիվանդ բերեք, հա բերեք: Բերել ենք, տեղ չկա, ես ի՞նչ անեմ այս հիվանդին, որը կաթված է ստացել»-, անդադար բարկացած ողջ ընդունարանի միջանցքում կրկնում էր հոգատար բժշկուհին: Նրան պատասխանող բժիշկն էլ պահանջում էր Մագնիսառեզոնանսային տոմոգրաֆիայի (ՄՌՏ) պատասխանը, որպեսզի հասկանան իրենց հիվանդն է, թե՝ ոչ: Սակայն հարցը այլ է՝ խեղճ հիվանդը ֆուտբոլի գնդակի նման պիտի գլորվի այս հիվանդանոցից այն հիվանդանո՞ց՝ մինչ իրեն կընդունեն, եւ դեռ հարց է՝ այդքան կդիմանա՞, թե՞ կեսից... Իսկ շտապօգնության բժիշկն այդ ողջ ընթացքում պիտի պատասխանատվություն կրի իր կողմից բուժկենտրոն հասցված հիվանդի կյանքի համար:

Ստացվում է փակ շրջանակ, որի առջեւ առաջին տարին չէ, որ կանգնել են բուժանձնակազմն ու շտապօգնության բժիշկները: Ի դեպ, սույն թվականի մարտի 25-ին, «Սուրբ Գրիգոր Լուսավորիչ» բժշկական կենտրոն է հաճախել առողջապահության նախարար Անահիտ Ավանեսյանը, ում դիմավորել է հիվանդանոցի գլխավոր բժիշկը: Թե ինչ նպատակ ուներ նախարարի այցը, մնաց անհասկանալի, սակայն «Իրավունք»-ին ասացին, որ նախարարը շատ հաճախ է այցելում այս հիվանդանոց:

ՆԱՆԱ ՍԱՐԳՍՅԱՆ

Այս թեմայով Բարորակ եւ չարորակ գոյացությունները ռադիոլոգի աչքերով. Բացահայտում ենք «Բժշկի մոտ» Անտեսանելի հյուր կամ վտանգավոր թշնամի. «Հելիկոբակտեր պիլորի»-ի անդառնալի հետեւանքները Բոլորիդ սրտով է լինելու. Ով է հավակնում ԱԺ նախագահի պաշտոնին Բժիշկ Մալիշևան ասել է՝ ինչպես մարդու վրա մեկ հայացք գցելով հասկանալ, որ նա ուռուցք ունի Ձեր իշխանությունը պրոֆեսորին կարող է տանել բանտ քաղաքական որոշմամբ, բազմաթիվ հիվանդներին թողնելով առանց բժշկական օգնության. Նախկին պատգամավորի պատասխանը ՔՊ-ական նախարարին