Եթե նախկինները անբարոյական են եղել, դա թույլ է տվել, որ դուք դառնաք բեսպրեդե՞լ.Փաստաբան

Լրագրողների հետ զրույցում Ալեն Սիմոնյանը, անդրադառնալով այս հարցերին, ասաց, որ սրանք «Սերժի ժամանակները չեն, որ քաղբանտարկյալներ լինեն, ազատ մամուլ չլինի» և այլն, համակարծի՞ք եք Սիմոնյանի հետ, որ հիմա չկան քաղբանտարկյալներ, ազատ խոսքը չի խոչընդոտվում հարցին անդրադարձել է փաստաբան Նորայր Նորիկյանը.

– Հիմա էլ Նիկոլի ժամանակներն են՝ համընդհանուր անպատասխանատվության, անպատժելիության ու իսկական բարդակ իրավիճակ: Քաղաքական բանտարկյալի սահմանումը հստակ տրված է Եվրախորհրդի համապատասխան բանաձևերով, ինչպես նաև Մարդու իրավունքների եվրոպական դատարանն է սահմանել քաղաքական բանտարկյալի նշաձողը: 

Ես չեմ ուզում հիմա խորանալ, բայց հստակ կարող եմ ասել, որ Հայաստանում այնպես չէ, որ մարդիկ իրենց քաղաքական հայացքների համար տարբեր տեսակի բռնությունների չեն ենթարկվում, դրսևորման ձևերն են փոխվել, եթե նախկինների ժամանակներում մարդիկ տարիներով փտում էին բանտերում, հիմա ուղղակի ընտրվել է բռնության, հետապնդումների այլ ձևաչափ: Շեշտակի որևէ փոփոխություն չի եղել: 

Ի վերջո պետք է ընկալել, որ հիմա մեր ողբերգություններն ու տապալումներն այն աստիճանի այլ են բովանդակային առումով, որ համադրելի ու համեմատելի չեն նախորդ տասնամյակների ընթացքում Հայաստանում առկա խնդիրների հետ: Ենթադրենք՝ նրանց ժամանակ բռնաճնշումներ են եղել, քաղաքական սպանություններ են եղել, դա քեզ թույլ է տալիս այսօր ինչ ուզենաս անե՞ս, դա թույլ է տվել ողջ երկիրը հասցնել կործանման եզրի՞ն, կործանել Արցախի Հանրապետությո՞ւնը, ձախողել կոռուպցիայի դեմ պայքարն ու ինքներդ ընկղմվել կոռուպցիայի մե՞ջ: Այսինքն՝ եթե նախկինները անբարոյական են եղել, դա թույլ է տվել, որ դուք դառնաք բեսպրեդե՞լ, կամայակա՞ն, այս առումով ինչո՞վ եք տարբերվում նրանցից: 

Նախկինների արածների ֆոնին դուք չեք դառնում անմեղ հրեշտակներ, ընդհակառակը՝ դուք ավելի վատն եք, որովհետև իշխանության եկաք այդ մարդկանց պատասխանատվության ենթարկելու խոստումներով: Այդ մարդկանց, Ալեն Սիմոնյան, Նիկոլ Փաշինյան, դուք եք դարձրել «հարգելի ընդդիմադիր գործընկերներ»: Երբ պետք է՝ ձեզ համար «հարգելի ընդդիմադիր գործընկերներ» են, երբ պետք է՝ «թալանչի՞»: Հերիք է լապշա կախեք այս մարդկանց ականջներին, խաբելով մոլորեցնեք, դուք մեկդ մյուսին արժանի եք: 

Այս թեմայով Ինչու է ՔՊ-ն դանդաղում իր որոշումների մեջ.ո՞վ կասի.... Ինչ նոտարական փաստաթուղթ է իրականում ստորագրել Հարությունյանը Բաքվի բանտում Ինչ-որ լուրջ բա՞ն է սպասվում 8000 արցախցի ստացել է բնակարանի սերտիֆիկատ, բայց իրացվել է միայն 4000-ը. Գեղամ Ստեփանյան «Անհամբեր սպասում ենք, որ բացվի Թուրքիայի հետ Հայաստանի սահմանը». Նիկոլ Փաշինյան