ՀՀ ԶՈւ–ում կոմունալ–կենցաղային պայմանների ապահովման համար լրացուցիչ գումար կտրամադրվի

ՀՀ ԶՈւ–ում կոմունալ–կենցաղային պայմանների ապահովման համար լրացուցիչ գումար կտրամադրվի։ Այդ մասին համապատասխան որոշումն ընդունվեց ՀՀ կառավարության այսօրվա՝ ապրիլի 3-ի նիստի ժամանակ։

Այդ նպատակով 2025 թ. ՀՀ պետական բյուջեում կկատարվեն մի շարք վերաբաշխումներ` ՀՀ ՊՆ կապիտալ շինարարության և կապիտալ վերանորոգման 2025–2027 թթ. միջնաժամկետ ծախսային ծրագրի օբյեկտների ցանկում ներառված շինարարական օբյեկտների կառուցման, վերակառուցման և վերանորոգման, ինչպես նաև ԶՈւ կարիքների ապահովման համար ավտոտեխնիկայի նորոգման և նյութական միջոցների պահմանման նպատակով:

ՀՀ ՊՆ–ից հիշեցնում են, որ 2025 թ. պետական բյուջեով առաջնահերթ են համարվում կապիտալ շինարարության և կապիտալ վերանորոգման ծրագրում ներառված այն շինարարական օբյեկտները, որոնց շինարարության ավարտը պլանավորված է կազմակերպել հնարավորինս արագ և մեծ ծավալով:

Նշվում է նաև, որ պետական բյուջեից հատկացվող լրացուցիչ գումարներն ուղղվելու են ՀՀ ԶՈւ մշտական տեղակայման վայրերի, ինչպես նաև նոր և գոյություն ունեցող բնագծերում զորքերի տեղակայման և մարտական հերթապահության իրականացման համար անհրաժեշտ կոմունալ-կենցաղային պայմանների հրատապ ապահովմանը:

Այս թեմայով ՌԴ ՆԳՆ-ն առաջարկում է փոխել ԱՊՀ երկրներից վարորդների՝ ՌԴ-ում գտնվելու ժամկետը ԱՄՆ բանակը զորքեր է պատրաստում Կուբայում օպերացիայի համար. CBS News Փաշինյանը վերջնականապես Հայաստանը դարձրեց Ռուսաստանի եւ Եվրոպայի համար մարտադաշտ Այսօր հայտնի իրավապաշտպան Լեվոն Բաղդասարյանի քույրիկի տարեդարձն է Լրացուցիչ 94,6 մլն դրամ կհատկացվի վարչապետի աշխատակազմի գործուղումների համար