Սյունիքում երեխաներին մաստակ առաջարկած անձը առաքիչ է եղել. Մանրամասներ

Ավելի վաղ լրատվամիջոցներում տեղեկություն էր տարածվել, որ անհայտ անձը Սյունիքում երեխաներին կասկածելի մաստակ է բաժանել, ստիպել, որ վերցնեն։

«Ահազանգ Սյունիքում. անհայտ անձը դպրոցների մոտ երեխաներին կասկածելի ծամոն է բաժանել։

Սյունիքի մարզի տարբեր դպրոցների ծնողները ահազանգում են «Սյունիք լրատվականին», որ Գորիս համայնքի մի քանի դպրոցների մուտքի մոտ անհայտ անձը երեխաներին ծամոն է հյուրասիրել և նույնիսկ ստիպել, որ վերցնեն։ Ըստ ծնողների ահազանգերի՝ որոշ երեխաների ինքնազգացողությունը վատացել է ծամոնը ծամելուց հետո»,-նշված էր տեղական լրատվամիջոցներից մեկի հրապարակման մեջ։

Դեպքի վերաբերյալ պարզաբանում ստանալու նպատակով Iravaban.net-ը դիմեց ՆԳՆ ոստիկանություն։ ՆԳՆ մամուլի քարտուղար Նարեկ Սարգսյանը հայտնեց, որ ոստիկանությունն անմիջապես արձագանքել է նշված տեղեկությանը, ստուգումներ են իրականացվել, հայտնաբերվել է տրանսպորտային միջոց, և այն վարող անձը․«Պարզվել է, որ այդ անձը առաքիչ է։ Որևէ արտառոց բան չի եղել, երեխաներին կոնֆետ և մաստակ է հյուրասիրել, որևէ ծնող չի դիմել երեխայի վատ զգալու և կասկածելի երևույթի առկայության հետ կապված։ Ոստիկանությունում ներկայացված հաղորդում չկա»։

Այս թեմայով Միրզոյանը ԱԺ-ում մաստակ է բաժանում գործընկերներին Տնային պայմաններում պատրաստված հատապտղային մաստակ Մաստակ ծամելը նպաստում է կնճիռների առաջացմանը Ինչպե՞ս մաքրել մաստակը հագուստի վրայից. հանճարեղ եղանակ Պերմյակովն առողջ է եղել, սիրել է շանսոն, աղջիկներին մաստակ է նվիրել. Փորձաքննություն