«Հրապարակ». Նարեկ Մանուկյանը նեղացել է ՔՊ-ից

Մամուլի տեսություն 23 Ապրիլ, 2025 8:31

«Հրապարակ» թերթը գրում է. «Ուղիղ մեկ ամիս առաջ գրել էինք, որ շուտով պաշտոնին հրաժեշտ կտա Ուռուցքաբանության ազգային կենտրոնի տնօրեն Նարեկ Մանուկյանը, որը 2019 թ․ սեպտեմբերին էր նշանակվել այդ պաշտոնին` առողջապահության այն ժամանակվա նախարար Արսեն Թորոսյանի հրամանով:

Նա ապրիլի 4-ին ազատվեց պաշտոնից` «իր դիմումի համաձայն»: Բացի հիվանդանոցի տնօրեն լինելուց, Ն. Մանուկյանը նաեւ Երեւանի ավագանու անդամ էր` ՔՊ խմբակցության կազմում։ Երեւանի ավագանու նիստին երեկ հայտարարեցին, որ Նարեկ Մանուկյանը դիմում է ներկայացրել եւ վայր է դնում նաեւ ավագանու անդամի մանդատը։

Ավագանու անդամներից մեզ պատմեցին, որ Մանուկյանը նեղացել է իրեն տնօրենի պաշտոնից հեռացնելու համար եւ որոշել է որեւէ կապ չունենալ առհասարակ իշխող «Քաղպայմանագրի» հետ՝ հրաժարվելով նաեւ ավագանու անդամի լիազորություններից։

Նշենք, որ Մանուկյանն Արսեն Թորոսյանի ընկերն է։ Թորոսյանի նշանակած մի քանի տնօրեն վերջին մեկ ամսում, այդ թվում` «Գրիգոր Լուսավորիչ» ԲԿ-ի, Կախվածությունների ազգային կենտրոնի, Նուբարաշենի հոգեբուժարանի տնօրենները, հեռացվեցին պաշտոններից»:

Առավել մանրամասն թերթի այսօրվա համարում

Այս թեմայով

ՔՊ-ի վրայից պատերազմի հոտ է գալիս, իրենց հետ բերեցին պատերազմի քամիները, եռապատկեցին Եռաբլուրը․ Նարեկ Կարապետյան

Ի՞նչ է «ակնարկում» Չեխիայի դեսպանն իր կարմիր վարդով

Որ ուժերն են մասնակցում Կարապետյանի տան հավաքին

Նիկոլ Փաշինյանն ուզում է առևտուր անել մեզ հետ. ինչքան պետք է՝ կնստենք, կհելնենք, բայց պետք է սրանց ցույց տանք, որ չենք զիջելու. Նարեկ Կարապետյան

Վաղը պետք է կարևոր բան լիներ, մի քանի ժամից կիմանաք, դա են փորձել կանխել․ Նարեկ Կարապետյան