«Փաստ». Ի՞նչ կոնֆլիկտ է եղել Արա Աբրահամյանի և Ռուսաստանում Հայաստանի դեսպանի միջև

Մամուլի տեսություն 26 Ապրիլ, 2025 8:48

«Փաստ» օրաթերթը գրում է. «Հայոց ցեղասպանության 110-րդ տարելիցի կապակցությամբ Ռուսաստանի հայերի միությունը մի շարք միջոցառումներ է կազմակերպել Մոսկվայում և ՌԴ այլ բնակավայրերում:

Ի մասնավորի, ՌԴ մայրաքաղաքում անցկացվել է բավական ներկայացուցչական համաժողով «Ցեղասպանություն. հիշողություն և նախազգուշացում. Ժամանակակից մարտահրավերներ» թեմայով: Համաժողովի ժամանակ Ռուսաստանի հայերի միության նախագահ Արա Աբրահամյանը բավական կոշտ ելույթ է ունեցել՝ մասնավորաբար նշելով, թե «Հայաստանի իշխանությունները հրեշավոր են վարվում՝ կասկածի տակ դնելով Հայոց ցեղասպանության փաստը կամ առաջարկելով հաշվել այդ տարիներին սպանված հայրենակիցներին, այս հար ցում նրանք Թուրքիայից էլ առաջ են անցել»։

Ուշագրավ է, որ այդ համաժողովին հրավիրված է եղել Ռուսաստանում Հայաստանի դեսպան Գուրգեն Արսենյանը, սակայն նա հրաժարվել է մասնակցել և բավարարվել է Հայկական տաճարային համալիրի տարածքում գտնվող՝ Ցեղասպանության սուրբ նահատակների հիշատակին նվիրված հուշարձանի մոտ ծաղիկներ դնելով: Մեր ունեցած տեղեկություններով, դրանից հետո նա այցելել է Ռուսաստանի և Նոր Նախիջևանի հայոց թեմի առաջնորդ Եզրաս արքեպիսկոպոս Ներսիսյանին, սակայն շուտով այստեղ է եկել նաև Արա Աբրահամյանը: Մեր աղբյուրների փոխանցմամբ, մթնոլորտը թեժացել է, Արա Աբրահամյանը կոշտ ու կտրուկ արտահայտություններ է արել, մի խոսքով՝ ասել է այն ամենը, ինչ մտածում է ոչ միայն դեսպանի, այլև, ընդհանրապես, Հայաստանի իշխանությունների մասին»:

Առավել մանրամասն թերթի այսօրվա համարում

Այս թեմայով

Քուշներ. Մենք ներկայումս կենտրոնացած ենք Մոսկվայի և մեր եվրոպացիների միջև փումը խթանելու վրա

Կամո Ունանյանի հաղթանակը՝ կյանքի և ռինգի ամենադժվար մենամարտում

Իրանը եղել եւ մնում է «Թրամփի ուղու» կատաղի հակառակորդը

ՏԻՄ համայնքների 30-ամյակի առթիվ՝ համայնքին և ՀՀ-ին նվիրված ծառայելու համար պատվոգրի է արժանացել Ալագյազ համայնքի ղեկավար Ջասմ Մախմուդովը

Քուշներ. ԱՄՆ-ն ցանկանում է կազմակերպել Ռուսաստանի և Եվրոպայի միջև ուղիղ անվտանգության բանակցություններ