«ՈՉ ՄԻ ՎԱՅՐԿՅԱՆ ՉՄՏԱԾԵԼՈՎ ԻՐ ՍԵՓԱԿԱՆ ԿՅԱՆՔԻ ՄԱՍԻՆ, ԿՌԻՎ Է ՏՎԵԼ ՄԻՆՉԵՎ ՎԵՐՋԻՆ ՇՈՒՆՉԸ, ՀԵՐՈՍԱԲԱՐ ԶՈՀՎԵԼ ՀԱՆՈՒՆ ՀԱՅՐԵՆԻՔԻ». ԱՆՄԱՀ ՀԵՐՈՍ ԳՐԻԳՈՐ ԳՐԻԳՈՐՅԱՆ

Այսօր, մայիսի 5-ը, անմահ հերոս ԳՐԻԳՈՐ ՀԱՄԼԵՏԻ ԳՐԻԳՈՐՅԱՆԻ ծննդյան օրն է, կդառնար 22 - տարեկան։ Նրա շիրիմին են այցելել հարազատներ, ընկերներ, ծաղիկներ խոնարհել ու խնկարկել։

Անմահ հերոսի բարեկամուհին Iravunk. com -ի հետ զրույցում նշեց.

«Գրիգորը ծնվել է 2003 թվականի այս օրը մայիսի 5֊ին, Արգավանդ գյուղում։ Սովորել է Արգավանդի միջնակարգ դպրոցում եղել է շատ օրինակելի աշակերտ, ապա ուսումը շարունակել է Մալաթիա ֊Սեբաստիայի սպորտ դպրոցում, ունեցել մեծ հաջողություններ ու նվաճել բազմաթիվ մեդալներ։2021֊ի հուլիսի 28֊ին զորակոչվեց ծառայության, 6 ամիս ծառայել է Արդանիշի զորամասում, ապա ծառայությունը շարունակել է Վարդենիսի զորամասում։ Գրիգորը ստացել է սերժանտի կոչում, նա եղել է դիրքերի ավագ։ 2022 ֊ի սեպտեմբերի 13֊ին թշնամու հերթական հարձակման հետևանքով եռօրյա պատերազմի ժամանակ Գրիգորը լինելով իր դիրքում, կատաղի մարտ են մղում իր ջոկատի հետ թշնամու դեմ, ցավոք ջոկատից զոհվում են բոլոր զինվորները, բացի Նարեկից ու Գրիգորից, 5 ժամ կատաղի մարտ վարելուց հետո թշնամու անօդաչու թռչող սարքի հարվածից։ 19 տարեկանում զոհվում են նաև Գրիգորն ու Նարեկը, հակառակորդին պատճառելով հսկայական կորուստներ, զրահատեխնիկա ու կենդանի ուժ։ Գրիգորը, լինելով ընդամենը 19 տարեկան, ոչ մի վայրկյան չմտածելով իր սեփական կյանքի մասին, կռիվ է տվել մինչև վերջին շունչը, հանուն սրբազան հայրենիքի։ Գրիգորն ու նրա մյուս զինակից ընկերները հավատարիմ մնացին իրենց տված երդմանը։

ՇՆՈՐՀԱՎՈՐ ԵՐԿՆԱՅԻՆ ԾՆՈՒՆԴԴ, ԱՆՄԱՀ ՀԵՐՈՍ ։ՔՈ ՍԽՐԱՆՔՆ ԱՆՄԱՀ Է, ՔՈ ԱՆՈՒՆԸ ՄԵՐ ՍՐՏԵՐՈՒՄ...

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով 3833 զոհ, 191 անհայտ կորած. 44-օրյա պատերազմից անցել է վեց տարի 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան CNN. ԱՄՆ-ն քիչ էր մնացել, որ պատերազմ սկսեր Չինաստանի հետ ՆԱՏՕ-ն պատրաստվում է պատերազմ սկսել Ռուսաստանի հետ 2029թ.-ին. ՌԴ ԱԳՆ Եթե Ռուսաստանի և Եվրոպայի միջև պատերազմ սկսվի, ապա այն կլինի միջուկային. Լավրով