Վերին Լարսի ձյունահյուսավտանգ հատվածը շրջանցող ճանապարհը տարեվերջին կամ մյուս տարի պատրաստ կլինի. ՏԿԵՆ

Լարսի հիմնախնդիրը պայմանավորված է հիմնականում եղանակային պայմաններով՝ նրանով, որ տարվա ընթացքում մինչև երկու ամիս ժամանակահատվածով փակ է լինում: Այդ խնդիրը ոչ միայն Հայաստանի բեռնափոխադրողներին է անհանգստացնում, այլև այդ ուղուց օգտվող այն երկրների բեռնափոխադրողներին, որոնք իրականացնում են բեռնափոխադրումներ ԵԱՏՄ երկրներ կամ ԵԱՏՄ երկրների միջոցով երրորդ երկրներ: Այս մասին ԱԺ-ում հայտարարեց ՀՀ տարածքային կառավարման և ենթակառուցվածքների նախարարի տեղակալ Արմեն Սիմոնյանը:

«Այն ճանապարհահատվածը, որը հիմա կառուցվում է վրացական կողմում, ճիշտ է, նախատեսված էր, որ դեռ 2024 թվականի վերջին պետք է ավարտին հասցվեր, ըստ սկզբնական կանխատեսման, բայց հաշվի առնելով քովիդի, լոգիստիկ փոփոխությունների հետ կապված հոսքերի հետ որոշակի խնդիրներ՝ այդ ժամկետը հետաձգվեց, և մենք կարծում ենք, որ մոտակա ժամանակներս՝ այս տարեվերջին կամ մյուս տարի այդ ճանապարհը, որը շրջանցում է ձյունահյուսավտանգ հատվածը, ամբողջությամբ պատրաստ կլինի, և Վերին Լարսի անցակետը այլևս կգործի տարին 365 կամ 366 օր»,- պարզաբանեց նախարարի տեղակալը:

Նրա խոսքով՝ դրա հետ կապված ծախսերը, որոնք լրացուցիչ առաջանում են բեռնափոխադրումների ժամանակ, կհասցվեն մինիմումի:

Այս թեմայով «Ալ Արաբիա». ԻՀՊԿ-ի փորձագետները ժամանել են Բաբ էլ-Մանդեբի նեղուցի հատված՝ պաշտպանական համակարգեր կառուցելու համար Հայաստանը կանգնեց ռեալ տնտեսական շրջափակման և անվտանգային վակուումի առջև.Տնտեսագետը ահազանգում է ՇՏԱՊ. ջրհորի ջուրը շարունակում է «եռալ» և բարձրանալ Որտե՞ղ էիք այն ժամանակ, երբ Մանվել Գրիգորյանին պետք էր ոչ թե հետմահու հերոսացնել, այլ կենդանի. Բացառիկ հարցազրույց գեներալի հայտնի փաստաբանի հետ ՀՐԱՏԱՊ. Երեք մարզերի մի շարք քաղաքներ ամբողջությամբ հոսանլազրկվել են. ՀԷՑ-ը հայտարարությամբ է հանդես եկել