Հանրային ռադիոյի տնօրեն Արմեն Քոլոյանին 3 օր ժամանակ են տվել

Հանրային ռադիոյի տնօրեն Արմեն Քոլոյանը հերթական սկանդալի կիազակետում է հայտնվել: Բացի այն, որ Քոլոյանը օրենքի խախտումներով է ռադիոյի տնօրեն ընտրվել, ինչի արդյունքում շուրջ երկու դատական հայց է ներկայացվել ՀՀԽ-ի դեմ, պարզվում է՝ հիմա էլ Քոլոյանին նույն Հանրային հեռարձակող խորհուրդը ինչ-ինչ ֆինանսական չարաշահումների մեջ է մեղադրում, հայտնել է «Հրապարակ»-ը։

Երեկ՝ մայիսի 7-ին Հանրային հեռարձակող խորհուրդը նիստ է գումարել և Քոլոյանի դեմ կարգապահական վարույթ նախաձեռնել: Խորհուրդը Քոլոյանին ընդամենը 3 աշխատանքային օր է տվել գրավոր բացատրություն ներկայացնելու համար:

Հանրային ռադիոյի «Հրապարակ»-ի աղբյուրները պատմում են, որ Քոլոյանին խորհուրդը մի քանի ասպեկտում է մեղադրում: Նախ կարծում են, որ նա աշխատանքային պարտականությունները ստանձնելուց ի վեր ռադիոն խառնաշփոթի է վերածել և չի կարողանում լեզու գտնել հատկապես ռադիոլուրի անձնակազմի հետ, ինչի արդյունքում տուժում է աշխատանքը, մյուս պատճառն էլ ֆինանսական միջոցների վատնումն է:  Քոլոյանը բաժանորդագրվել է Reuters-ին, որի ամսական բաժանորդագրության արժեքը 2900 դոլար է, սակայն, որպես այդպիսին, աշխատանքի որակն այդպես էլ չի բարձրացել: Նման օրինակներ էլի կան, ինչը ՀՀԽ-ի մոտ կասկածներ է առաջացրել:

«Հրապարակ»-ը փորձել է  մեկնաբանություն ստանալ Արմեն Քոլոյանից:

Նա ասել է. «Ես խոստանում եմ կտամ պարզաբանում միայն այն ժամանակ, երբ ինքս կհասկանամ, թե ինչի մասին է խոսքը: Ես ոչ մի բան չգիտեմ իրոք, ուստի սպեկուլյատիվ քննարկումների մեջ չեմ ցանկանում մտնել և ընթերցողներին շեղել, եկեք սպասենք, հասկանամ՝ ինչի մասին է խոսքը, ես անպայման մեկնաբանություն կտամ: Գուցե մյուս շաբաթ պարզ լինի, դա ինձանից կախված չէ»:

 Հարցին՝ կոնկրետ ի՞նչ ծախսերի համար են իրեն մեղադրում, Քոլոյանը պատասխանել է՝ չի ցանկանում այժմ այդ մասին խոսել: 

Այս թեմայով Լուրջ կասկածներ ունեմ, որ ողջ այդ բառակույտի կնքահայրն անձամբ Նիկոլն է. Արմեն Հովասափյան Մեղադրական եզրակացությունը, որը ես եմ ստացել, համապատասխան չէ օրենքի պահանջներին. Արմեն Աշոտյան Նիկոլին ու նրա ոճի պոպուլիստին կիրթ հասարակությունը ձեռնտու չէ. Արմեն Հովասափյան «Ժողովուրդ». Որտեղ են տեղցավորել ՀՀ նախկին ԱԽՔ Արմեն Գրիգորյանին Արմեն Գրիգորյանը նոր պաշտոն է ստացել միջազգային ընկերությունում