«Հրապարակ». ՄԱՊ–ի Ալիկի գործարանում կադրային ջարդ է

«Հրապարակ» թերթը գրում է. «Հրապարակ»-ի տեղեկություններով՝ ԱԺ նախկին պատգամավոր, գործարար Ալեքսան Պետրոսյանին (ՄԱՊ-ի Ալիկ) պատկանող «ՄԱՊ» ընկերությունում որոշ ժամանակ առաջ ազատումներ են եղել։ Ազատված աշխատակիցներից մեկը մեզ պատմեց, որ ընկերությունում կրճատումներ է արել ղեկավարությունը՝ թողնելով միայն երիտասարդների եւ միջին տարիքի մարդկանց, կրճատվել են 50-ից բարձր տարիք ունեցող աշխատակիցները։ Մեր զրուցակիցը պատճառների մասին ոչինչ չգիտեր, ասաց՝ ասել են, որ կրճատումներ են, եւ ուղարկել տուն։

Մենք փորձեցինք կապ հաստատել Ալեքսան Պետրոսյանի հետ, նա մեր զանգերին չպատասխանեց, որդին՝ Մակար Պետրոսյանը, հաստատեց տեղեկությունը․ «Կրճատումները ես եմ կատարել, բոլոր բաժիններից ենք կրճատել, այնպես չէ, որ 50+, շատ ավելի բարձր տարիքային աշխատողներ ունենք։ Տարբեր բաժիններից առաջարկել ենք կրճատումներ անել․ խնդիրներ են եղել Լարսի հետ կապված, ընկերությունը ֆինանսական ծանր դրության մեջ էր հայտնվել, որպեսզի նորից իրեն առողջացնենք, ծախսերի կրճատում եմ ես անում։ Բայց աշնանը մենք կվերականգնենք, էլի․ հարցն այս միջանկյալ շրջանում ծախսերի շրջանում տնտեսում անելն էր, առավել եւս, որ վաճառքներն ընկած են հիմա եւ շարունակում են ընկած մնալ»։

Առավել մանրամասն թերթի այսօրվա համարում

Այս թեմայով «Հրապարակ». Գարեգին Պողոսյանի կադրային «ցունամին» կորպուսում «Ժողովուրդ». Առողջապահությունում կադրային խառնաշփոթը չի ավարտվում Հզոր պայթյուն է տեղի ունեցել Ուկրաինայի հետ կապված իտալական զինամթերքի գործարանում (Տեսանյութ) «Ժողովուրդ». ՆԳՆ-ում կադրային փոփոխություններ կլինեն Թուրքիայում խոշոր հրդեհ է ինքնաթիռների շարժիչներ և ռազմական արտադրանք արտադրող գործարանում (Տեսանյութ)