Այս տարվանից եթե երեխան 6 տարեկանից մեծ է ու նոր է հաճախելու դպրոց, պետք է նստի իր տարիքին համապատասխան դասարան

Այս ուսումնական տարում առաջին անգամ կգործի այն կարգավորումը, որի համաձայն,  երեխան, որը 6 տարեկանից ավելի մեծ է, պետք է նստի իր տարիքին համապատասխան դասարանում և կրթություն ստանա համապատասխան դասարանում: Այս մասին, այսօր՝ մայիսի 15–ին, մամուլի ասուլիսում ասել է կրթության, գիտության, մշակույթի և սպորտի նախարարի տեղակալ Արաքսյա Սվաջյանը։

Նա  հիշեցրերել է, որ դեռևս նախորդ տարի է ԿԳՄՍ նախարարությունը հայտարարել, որ երեխաները սովորելու են իրենց համապատասխան տարքիային խմբերում, համապատասխան դասարաններում, բացառություն կկազմեն միայն կրթության առանձնահատուկ  պայմանների կարիք ունեցող այն երեխաները, որոնք ունեն մտավոր  զարգացման խնդիրներ։

Հարցին՝ վերլուծության համաձայն, ինչո՞ւ են ծնողները հրաժարվում երեխաներին 6 տարեկանից ուղարկել դպրոց, նա ասել է. «Վիճակագրությունը ցույց է տալիս, որ   յուրաքանչյուր տարի դպրոց հաճախող երեխաների մոտ 10 տոկոսը դպրոց չի գնում։ Այդ երեխաները լրացում են  կրթությունից դուրս մնացած երեխաների ցանկը։

Պատճառները  շատ տարբեր են։ Պատճառներից մեկը կարող է լինել զարգացման խանգարումները, որն օբյեկտիվ պատճառ է։

Կան նաև  դեպքեր, երբ ծնողներն այս կամ այն պատճառով նպատակահարամար չեն գտնում երեխային ժամանակին տանել դպրոց, երբեմն լուրջ չեն վերաբերվում այդ տարիքայի շեմին, իրենք են  որոշում՝ երեխան ե՞րբ կարող է գնալ դպրոց։ Դա, բնականաբար, «Հանրակրթության մասին» օրենքով կարգավորված է, յուրաքանչյուր տարի  բոլոր այն երեխաները, որոնց 6 տարին լրանում է  տվյալ տարվա ընթացքում, պետք է դպրոց ընդունվեն»։

Նա նշել է, որ, բնականաբար, այդ դեպքում ռիսկեր կան, որ երեխան կրթական ծրագրից հետ կընկնի, բայց դպրոցները ստացել են հանձնարարական, առաջիկայում խորհրդակցություններ կունենան դպրոցների հետ, որպեսզի լրացուցիչ աշխատանքներ իրականացնեն, երեխաների հետ փորձեն հնարավորինս արագ աշխատել, բերել, հասցնել երկրորդ դասարանի ծրագրին։

Այս թեմայով Ինչ նոտարական ծառայությունից է օգտվել Արայիկ Հարությունը իրականում. Բաքվի գերությունը հաղթահարած Գեւորգ Սուջյանը փակագծեր է բացում Սեպտեմբերի վերջին երեք կենդանակերպի նշաններ մեծ փոփոխություններ կզգան ՇՏԱՊ. Հակակոռուպցիոն կոմիտեն մտավ Աբովյանի համայնքապետարան. Բաբայան Էդոյի գործը «բուրդ է» Այս գիշերվանից Երկիրը գտնվում է հզոր մագնիսական փոթորկի մաքսիմալ ազդեցության տակ «Ժողովուրդ». «Վեոլիա Ջուր»-ը պետք է հետաքրքրեր պետական մարմիններին, բայց չի հետաքրքրում