Հայկական եւ վրացական կուսակցությունները քննարկումներ են անցկացրել

Խորհրդակցություններ են տեղի ունեցել «Համերաշխություն հանուն խաղաղության» կուսակցության (Վրաստան) եւ «Սահմանադրական իրավունք միություն» կուսակցության (Հայաստան) միջեւ:

Խորհրդակցություններին վրացական կողմից մասնակցել են «Համերաշխություն հանուն խաղաղության» կուսակցության նախագահ Միխայիլ Ժգենտին, կուսակցության քաղաքական քարտուղար Թեմուր Պիպիան եւ քաղաքագետ, քաղխորհրդի անդամ Գիորգի Իրեմաձեն, հայկական կողմից՝ «Սահմանադրական իրավունք միություն» կուսակցության նախագահ, «Ուժեղ Հայաստան Ռուսաստանի հետ» շարժման համակարգող Հայկ Բաբուխանյանը եւ շարժման խորհրդի անդամ Արմեն Քեռյանը։

Քննարկված հարցերը ներառում էին միջազգային իրավիճակը, աշխարհաքաղաքական խնդիրները, իրավիճակը Հարավային Կովկասի տարածաշրջանում, քաղաքական բարդ խնդիրների լուծման ուղիները։ Բացի այդ, քննարկվել են տարբեր միջոցառումների կազմակերպման, ինչպես նաեւ տեղեկատվական դաշտում կուսակցությունների համագործակցության հարցեր։

Կուսակցության ղեկավարները միմյանց վստահեցրել են համագործակցության հուշագիր ստորագրելու մտադրության մասին։ Խորհրդակցությունների արդյունքում եզրակացվել է, որ կողմերը գաղափարապես մտերիմ են, եւ դա հիմք է տալիս կողմերի միջեւ ավելի սերտ հարաբերությունների զարգացման համար։ Կողմերը հավաստիացրել են վրացի եւ հայ ժողովուրդների միջեւ բարեկամությունը զարգացնելու իրենց ցանկությունը։

Այս թեմայով Հեսսեյան խաղաղության մրցանակի պերճանքն ու թշվառությունը. Բացառիկ մանրամասներ Վիրավոր իմ Հայաստան, դու դեռ ուղղելու ես քո ողնաշարը ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել