«Ժողովուրդ». Անցել է 1,5 ամիս, սակայն «Դվին» հյուրանոցի ապակիներին կրակողը դեռեւս անհայտ է

«Ժողովուրդ» օրաթերթը գրում է. ««Դվին» հյուրանոցային համալիրի կրակոցների դեպքը բացահայտված չէ։ Աղմկահարույց կրակոցից 1,5 ամիս անց չի/չեն հայտնաբերվել անձը կամ անձինք, ովքեր կրակեցին Արտակ Թովմասյանին պատկանող «Դվին» հյուրանոցի կոնկրետ ապակիներին։

Հիշեցնենք, որ ապրիլի 10-ին տեղեկություններ էին ստացվել, որ նույն օրը՝ ժամը 22։00-ի սահմաններում, դեռեւս անհայտ տեսակի զենքից կրակել եւ վնասել էին Պարոնյան փողոցի 40 հասցեում գտնվող «Դվին» հյուրանոցային համալիրին պատկանող «Ֆյուչր Թասեր» մասնաշենքի 10-րդ հարկի 2 ֆասադային պատուհանները:

Դեպքի փաստով ոստիկանության Կենտրոնական բաժնում փաստաթղթեր են կազմվել, որոնք փոխանցվել են ՀՀ Քննչական կոմիտեի Երեւան քաղաքի քննչական վարչության Կենտրոն եւ Նորք Մարաշ վարչական շրջանների քննչական բաժին, սակայն, ինչպես արդեն նշեցինք, ՀՀ քննչական կոմիտեից հայտնեցին, որ դեպքով որեւէ նորություն չկա՝ չկա ո՛չ մեղադրյալ, ո՛չ կասկածյալ:

Հավելենք, որ Shamshyan.com-ը հայտնել էր, որ, ըստ նախնական տեղեկությունների, բարեբախտաբար, կրակոցից տուժածներ չկան»։

Առավել մանրամասն թերթի այսօրվա համարում

Այս թեմայով Կրակոցներ Սպիտակ տնից 1 մղոն հեռավորության վրա. Հինգ վիրավոր, կրակողը ազատության մեջ է. Associated Press Զելենսկին պլանավորում է կրկին ձգձգել բանակցությունները, սակայն Մոսկվան դրան պատրաստ է ՀՐԱՏԱՊ. Բազմիցս փորձել է ինքնասպանություն գործել. Բացառիկ մանրամասներ Խորխոռունու գործով 5000 դոլարի սպանության պատվեր. 2 թիրախ և անհայտ պատվիրատու ԱԲ-ն գուշակ չէ. Տեղեկատվական անվտանգության փորձագետը զգուշացնում է