Դպրոցի շրջանավարտները պատրաստ են ստեղծել հայոց նոր ոսկեդար

Այսօր Երեւանի բազմաթիվ դպրոցներում հնչեց վերջին զանգը: Միջնակարգ դպրոցը, այսինքն` 9-րդ դասարան ավարտողները  հրաժեշտ են տալիս իրենց դպրոցներին, նշում են իրենց  կյանքում  այդ կարեւոր փուլի ավարտը եւ քայլ անում դեպի  նոր կյանք:

Հետաքրքիր է, թե ինչպես եւ ինչպիսի թեմատիկայով եւ շեշտադրումներով են անցնում վերջին զանգի հանդեսները:

Մեզ հաջողվեց ներկա լինել  Երեւանի թիվ 78  դպրոցի  9 դ դասարանի  վերջին զանգի հանդեսին, որը կազմակերպել էր դասղեկ Նառա Բադալյանը: Ուրախությամբ պետք է նշենք, որ հանդեսը արտացոլում էր հայրենասիրական գաղափարները, սերը դեպի հայոց լեզուն, ինչպես նաեւ  ազգային ու բարոյական արժեքները դեպի մայրը, դեպի ուսուցիչները, դեպի գիտելիքները:

Հանդեսի  նշանաբանն էր` «ոսկեդարից ոսկեդար», եւ  աշակերտները այբուբենի ստեղծումից  հասան մինչեւ մեր օրերը, փառաբանելով հայոց լեզուն եւ  երդվելով միշտ լինել մայրենիի պահպանողները: Դրան էր նվիրված նաեւ երգերից մեկը, որը կատարեցին աշակերտները, որտեղ ասվում էր, որ մենք աշխարհում ավելի հարազատ` «այսքան մերը» բան չունենք, քան մեր լեզուն է:

Հանդեսի գլխավոր մտքերից այն էր, որ մենք` հայերս, նորից ենք ունենալու ոսկեդար եւ  այն ոչ թե ինքն իրեն է գալու, այլ դա պետք է ստեղծել, եւ այդ ստեղծողները հենց այն սերունդն է, որը այսօր նշում է իր վերջին զանգը:

Այս թեմայով «Ժողովուրդ». Լենա Նանուշյանի նոր ձախողումների շարքը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը ՇՏԱՊ. 36-ամյա գործարարին մահացած են գտել. Հրապարակ Մոսկվայում բենզինի վաճառքի նոր սահմանափակում է մտցվել ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն