Ինչու Մակրոնն ապտակ ստացավ կնոջից

Միջազգային մամուլում արագորեն տարածվել է մի տեսանյութ, որտեղ երեւում է, թե ինչպես է Ֆրանսիայի նախագահ Էմանուել Մակրոնն ապտակ ստանում կնոջից՝ ԲՐԻՋԻՏ ՄԱԿՐՈՆԻՑ՝ այն պահին, երբ բացվում է նախագահի ինքնաթիռի դուռը։ Վիետնամ պաշտոնական այցով մեկնած Ֆրանսայի ղեկավարն ապտակից հետո՝ տարուբերվում է եւ շփոթված մի քանի վայրկյան մնում է բաց բերանով կանգնած։ Բայց զարմանալին միայն ընկեր Բրիջիտի պատիժը չէ իր նախկին աշակերտ Էմանուելին, այլ այն, թե ինչպես է փորձել սկանդալը կոծկել Ելիսեյան պալատը:

Անդրադառնալով Ֆրանսիայի նախագահի եւ նրա կնոջ հետ տեղի ունեցած միջադեպին՝ Ելիսեյան պալատը հայտարարել է. «Տեսագրության մեջ հայտնվել է այն պահը, երբ նախագահն ու նրա կինը վերջին անգամ լիցքաթափվում էին ուղեւորության մեկնարկից առաջ՝ կատակելով»։

Այստեղ են ասել՝ ձեր կատակը ձեր գլխին կպնի: Բա որ տեսախցիկների առաջ ապտակում է, ուրեմն՝ տանը խոշտանգում է, իսկը ընտանեկան բռնության օրինակ արեւմտամետների համար: Մինչդեռ այս ամենի մեջ «Վեր կաց, Ֆրանսիա» կուսակցության առաջնորդ Նիկոլա Դյուպոն-Էնյանն այլ նրբերանգներ է տեսնում: X սոցիալական ցանցում նա, պարզապես, հեգնել է այր եւ կին Մակրոններին. «Քանի կար Ելիսեյան պալատը մեղադրում էր սկանդալի համար արհեստական բանականությանը եւ ռուսական հատուկ ծառայություներին, իսկ այժմ խոսում է «լարվածության թուլացման պահի» մասին։ Կարո՞ղ է հետո էլ ասեն՝ Բրիջիտը ռուս լրտես է»:

ՀՐԱՆՏ ՍԱՐԱՖՅԱՆ

Այս թեմայով Я памятник себе воздвиг нерукотворный․ ԸՆԿԵՐ ՓԱՆՋՈՒՆԻ ԸՆԿԵՐ ՓԱՆՋՈՒՆԻ Բուլղարիայի վարչապետը մերժել է Մակրոնին Մակրոնը հանդիպել է Սիրիայի նախագահի պաշտոնակատար Ահմեդ ալ-Շարաայի հետ Մակրոնը կդառնա առաջին արևմտյան ղեկավարը, որ կայցելի Սիրիա երկրում իշխանափոխությունից հետո