Երևանում հերթական անգամ հարձակման են ենթարկվել շտապօգնության բժիշկները

Երեկ՝ մայիսի 26-ին, Երևանում հերթական անգամ հարձակման են ենթարկվել իրենց մասնագիտական աշխատանքը կատարող շտապօգնության բժիշկները: 

Ժամը 20:55-ի սահմաններում ՀՀ ներքին գործերի նախարարության ոստիկանության համայնքային ոստիկանության գլխավոր վարչության Շենգավիթի բաժնում օպերատիվ տեղեկություններ են ստացվել, որ Արարատյան փողոցի 10-րդ բարակում քաղաքացին կացինով հարձակվել է շտապօգնության բժիշկների վրա: 

Ինչպես դեպքի վայրից հայտնում է ֆոտոլրագրող Գագիկ Շամշյանը, օպերատիվորեն ժամանել են ոստիկանության Շենգավիթի բաժնի օպերատիվ խումբը՝ բաժնի պետ Արթուր Մկրտչյանի, բաժնի պետի տեղակալ Արծրուն Միքայելյանի գլխավորությամբ: 

Տեղում պարզվել է, որ ստացված օպերատիվ տեղեկությունը հավաստի է:

Դեպքի վայր են ժամանել նաև ՀՀ ՆԳՆ ոստիկանության պարեկային ծառայության Երևան քաղաքի գնդի 2-րդ գումարտակի 1-ին վաշտի պարեկները՝ գնդի հրամանատար Անդրանիկ Իսախանյանի, գումարտակի հրամանատարի տեղակալ Կարեն Ավտեիսյանի և վաշտի հրամամանատար Գարիկ Վարոսյանի գլխավորությամբ:

Տարածքը սահմանազատել են նույն վաշտի պարեկներ Դավիթ Բարսեղյանն ու Ալբերտ Թումանյանը:

Ֆոտոլրագրողի տեղեկություններով՝ պարզվել է, որ նշած փողոցից շտապօգնութուն կանչ է եղել և Երևանի 1-03 շտապօգնության 6-րդ ենթակայանի խումբը ժամանել է նշված փողոց, որտեղ էլ փորձել են օգնություն ցուցաբերել պացիենտին, սակայն վերջինս ակնհայտ գտնվելով ալկոհոլի ազդեցության տակ, ինչ-որ արտահայտություններ է արել ու ինչ-որ արտահայտություններ անելով կացինը նետել է իրեն օգնության ժամանած 26-ամյա բժշկի ուղղությամբ: 

Շենգավիթի ոստիկանները կարողանում են արագ վնասազերծել նրան ու տեղափոխում ոստիկանության Շենգավիթի բաժին, որտեղից դեպքի փաստով փաստաթղթեր են կազմվել, որոնք փոխանցվել են ՀՀ քննչական կոմիտեի Երևան քաղաքի քննչական վարչության Շենգավիթի քննական բաժին: 

Արդեն որոշ ժամանակ անց ոստիկանների և ՀՀ քննչական կոմիտեի Երևան քաղաքի քննչական վարչության Շենգավիթի քննչական բաժնի պետ Աշոտ Բադալյանի ու հատկապես կարևոր գործերով ավագ քննիչ Վաչիկ Աղասյանի գլխավորությամբ կասկածյալը բերվում է դեպքի վայր, որտեղ էլ հատկապես կարևոր գործերով ավագ քննիչ Վ. Աղասյանին պատմում է, թե ինչ գործողություններ է կատարել:

Արդեն դեպքի վայրում ոստիկաններն ու քննիչները հայտնաբերում են, որ կոտրել է սանհանգույցի դուռը, ապակիները, իսկ կացինը դեպքի վայրում չի լինում: 

Քննիչի բացատրական աշխատանքների շնորհիվ նրա հարազատը ներկայացնում է կացինը ու հայտնում, որ ինքն է այն դեպքի վայրից տարել: 

Նյութի աղբյուր՝ https://shamshyan.com/hy/article/2025/05/27/1284192

Այս թեմայով Շտապ բուժօգնության աշխատակիցներին միանվագ կտրամադրվի 40․000 դրամ պարգևատրում, իսկ աշխատավարձը կբարձրանա 20%–ով Մեր «Շտապօգնության» աշխատողների աշխատավարձերի բարձրացումն ի՞նչ եղավ. Ավինյան ՇՏԱՊ. Նարեկ Սամսոնյանին հիվանդանոց են տեղափոխել. իրավապաշտպան Արագածոտնի մարզում փրկարարները սաստիկ բքի պայմաններում մորն ու նրա 3 անչափահաս երեխաներին տեղափոխել են հիվանդանոց Բջնի գյուղից դեպի Հրազդան մերկասառույցի պատճառով շտապօգնությունը չի կարողանում մոտենալ բուժառուներին