Քննարկվել է Ակադեմիական քաղաքում նախատեսվող ենթակառուցվածքային աշխատանքների մեկնարկի պլանը

Նիկոլ Փաշինյանի գլխավորությամբ տեղի է ունեցել խորհրդակցություն, որի ընթացքում քննարկվել է Ակադեմիական քաղաքում նախատեսվող ենթակառուցվածքային աշխատանքների մեկնարկի պլանը:

Ակադեմիական քաղաքի գլխավոր հատակագիծը նախագծող Gmp International GmbH Architects and Engineers ընկերության ներկայացուցիչները ներկայացրել են ֆիզիկական ենթակառուցվածքների աշխատանքների ուղղությամբ նախատեսվող գործողությունները՝ ըստ ժամանակացույցի: Մասնավորապես, դրանք վերաբերում են ջրապահովմանը, գազի, էլեկտրաէներգիայի, տրանսպորտային և այլ ենթակառուցվածքներին: Ներկայացվել են երկաթուղու, ավտոբուսային, մարդատար մեքենաների երթուղիների, ինչպես նաև հեծանվային ուղիների նախագծման աշխատանքները:

Անդրադարձ է կատարվել Ակադեմիական քաղաքի սոցիալ-տնտեսական բաղադրիչին, ռազմավարական տնտեսական զարգացմանը, քաղաքային զարգացման շրջանակային տեսլականին:

Gmp International GmbH Architects and Engineers-ի ներկայացուցիչները պատասխանել են խորհրդակցության մասնակիցներին հետաքրքրող հարցերին և տվել պարզաբանումներ՝ աշխատանքների կազմակերպման և առաջիկա քայլերի վերաբերյալ:

Վարչապետ Փաշինյանն ընդգծել է «Ակադեմիական քաղաք» ծրագրի ռազմավարական նշանակությունը և կարևորել նախատեսվող աշխատանքների արդյունավետ իրականացումը: Վարչապետը հանձնարարել է պատասխանատու գերատեսչությունների ներկայացուցիչների մասնակցությամբ ձևավորել աշխատանքային խումբ՝ Gmp International GmbH Architects and Engineers-ի հետ համագործակցությամբ ենթակառուցվածքային աշխատանքները համակարգված կերպով իրականացնելու նպատակով:

Այս թեմայով Սեպտեմբերի 1-ը և դեռահասի ապատիան․ ինչու՞ է երբեմն դպրոց վերադառնալը դառնում դժվար Մեկնարկում է Ակադեմիական քաղաք Հայաստան նախաձեռնությունը Դպրոցաշինության ծրագիրը տապալվել է. 300 դպրոցից միայն 59-ն է կառուցվել. «Ժողովուրդ» «Ժողովուրդ». Տիգրան Ավինյանի «ակադեմիական» ձախողումները Բարձրագույն կրթություն ստացողների թիվը տարեցտարաի նվազում է. Ահազանգում է կրթության փորձագետը