ԱՅՍՕՐ ՀԱՅ ԱՌԱՔԵԼԱԿԱՆ ՍՈՒՐԲ ԵԿԵՂԵՑԻՆ ՆՇԵՑ ՀԻՍՈՒՍ ՔՐԻՍՏՈՍԻ ՀԱՄԲԱՐՁՄԱՆ ՏՈՆԸ

 Այսօր, մայիսի 29֊ին, Հայ Առաքելական Սուրբ Եկեղեցին նշեց ՀԻՍՈՒՍ ՔՐԻՍՏՈՍԻ ՀԱՄԲԱՐՁՄԱՆ տոնը։ Զատկից ուղիղ 40 օր հետո նշվում է Համբարձման տոնը, որը ժողովուրդն անվանում է նաև Վիճակի կամ Կաթնապուրի տոն։ Այս տոնի օրը նշվեց նաև Արագածոտնի թեմի Ծաղկեվանքի ուխտի օրը։

Iravunk. com -ի Շիրակի մարզի թղթակիցը ևս մասնակցել է Սուրբ պատարագին։ Բազմաթիվ ուխտավորներ էին եկել Հայաստանի տարբեր շրջաններից։ Ծաղկեվանքը քարանձավում փորած վանք է, Արա լեռան լանջին, գտնվում է Արագածոտնի մարզում, կույս Վարվառայի մահարձանն է։ Վանքի մեջ կա մի աղբյուր, որն ասվում է թե առողջարար հատկություններ ունի, հատկապես օգնում է տեսողությանը։ Ջրում ցինկի նշանակալի մակարդակը օգնում է տեսողության վերականգնմանը, ինչպես նաև ազատում հոդերի և մկանների ջղաձգությունից։ Պատահական չէ, որ տեղի բնակիչները դրան «Սուրբ ջուր» են անվանում։ Ավանդույթի համաձայն, ջուրը կույս Վարվառայի արցունքներն են, որ օգնում են անպտղություն ունեցող կանանց։ Նշենք, որ երեկ մայիսի 28֊ի երեկոյան, Ծաղկեվանքում կատարվել է Համբարձման տոնի նախատոնակ ու Սուրբ պատարագ մատուցվել, սա արդեն ձևավորված ավանդույթ է։ Այսօր, մայիսի 29֊ին, Ծաղկեվանքում Սուրբ պատարագ մատուցեցին Արագածոտնի թեմի քահանաները և Արթիկի թեմի քահանա Տեր Եղիշեն։  Շատ ակտիվ էին հատկապես Արթիկի տարածաշրջանի բնակիչները, այս համայնքից բազմաթիվ ուխտավորներ էին եկել Ծաղկեվանք, նրանք Սարալանջ, Հայրենյաց, Մեծ Մանթաշ, Փոքր Մանթաշ, Տուֆաշեն գյուղերից էին։ ՀՌԻՓՍԻԿ ՍԱՐԳՍՅԱՆԸ, ով Հայրենյաց գյուղից էր եկել ուխտի, Iravunk. com - ի Շիրակի մարզի թղթակցի հետ զրույցում նշեց.

- «Շատ մեծ հավատքով եմ եկել Ծաղկեվանք, մասնակցեցի Սուրբ պատարագին, հոգևոր հանգստություն ունեցա։ Շատ հրաշք տեղ է, ջուրն էլ ինչպես գիտեք բուժիչ հատկություններով է օժտված է։ Մի քանի տարի առաջ էլ էի եկել այստեղ, սակայն կրկին  ցանկություն էր առաջանում գալ, շատ ուրախ եմ, որ բախտ վիճակվեց կրկին գալ այստեղ ուխտի։ Լսել եմ, որ շատ ջահել կանայք, ովքեր երեխաներ չեն կարողացել ունենալ, գալով այստեղ ուխտի, ստացել են Ծաղկեվանքի զորությունը և զավակներ ունեցել։ Ցավոք, շատերը հիմա կորցրել են իրենց հավատը, խորհուրդ կտամ, որ հաճախ այցելեն եկեղեցի, մասնակցեն պատարագների, ժամերգությունների ու նման ուխտագնացությունների։ Եթե մեծ հավատք ունենանք, ապա որևէ փորձության չենք հանդիպի այս կյանքում, հավատքը զորեղ է, աղոթքը բուժիչ է»։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Սեպտեմբերի 19-ին ի՞նչ «տոն» Խաչվերացի տոնը քրիստոնյաներին կրկին հիշեցնում է, որ հավատքի ճանապարհն անցնում է Խաչի խորհրդի միջով Խաչվերացի տոնին Սուրբ Պատարագներ կմատուցվեն Խաչվերացը տոն է Նվազագույնը 100 հազար դրամ․Ինչ գին ունի սեպտեմբերի 1-ը