«Փաստ». Ինչո՞վ կավարտվի Հայաստանի իշխանության գրոհը Արցախի պետական ինստիտուտների նկատմամբ

«Փաստ» օրաթերթը գրում է. «Արցախի նախագահի լիազորությունները 2025 թվականի մայիսի 21-ին ավարտվել են, և Արցախի խորհրդարանը պետք է նոր նախագահ ընտրի: Ըստ Արցախի Սահմանադրության և ԱԺ կանոնակարգ օրենքի, նախագահական ընտրությունները կարող են տեղի ունենալ այդ օրվանից ոչ շուտ, քան 7 օր, և ոչ ուշ, քան 10 օր հետո։ Այսինքն, այսօր լրանում է տասնօրյա ժամկետը, երբ ԱՀ Ազգային ժողովը պետք է նիստ հրավիրի:

Երեկ մենք դիմեցինք ԱԺ «Արդարություն» խմբակցության պատգամավոր Մետաքսե Հակոբյանին, ով ասաց, որ «այս պահի դրությամբ» հստակ որևէ բան չի կարող ասել: «Ցավոք, այդ ամենը կախված չէ միայն ինձանից՝ որպես պատգամավոր, կամ միայն մեր խմբակցությունից, որը, ըստ էության, փոքր խմբակցություն է։ Հնարավոր է, որ կլինի հայտարարություն, հնարավոր է, որ կլինի այլ գործընթաց, որի մասին հաստատ տեղեկացված կլինեք»։

Մեր աղբյուրների փոխանցմամբ, ներկայում Արցախի խորհրդարանը ակտիվ քննարկումներ է տանում ստեղծված իրավիճակից ելքեր գտնելու և դրությունը փրկելու համար: Թե ինչով կավարտվի իշխանության գրոհը, և արդյոք արցախցիները կուլ կտան հերթական հարձակումը, պարզ կդառնա օրերի, գուցե նաև ժամերի ընթացքում:

Այս թեմայով «Հրապարակ»․ Նախարարների նկատմամբ վարույթ կհարուցվի՞ «Ժողովուրդ». Աշխատավարձերի բարձրացման նախագիծը բունտ է առաջացրել պետական համակարգում «Ժողովուրդ». Սահմանադրության շուրջ իշխանության ծրագրերը թևակոխում են նոր փուլ Զելենսկին Դանիայի խորհրդարանում ծաղրեց Գրենլանդիայի նկատմամբ Թրամփի տարածքային պահանջները Կամո Ունանյանի հաղթանակը՝ կյանքի և ռինգի ամենադժվար մենամարտում