«Ժողովուրդ». ՔՊ վարկանիշը փրկելու ելքեր են պետք. Փաշինյանը հենման կետ է փնտրում

«Ժողովուրդ» օրաթերթը գրում է. «Հայհոյանքներ հնչեցին Ազգային ժողովում Արսեն Թորոսյանի կողմից․ «Ով մեզ՝ ինձ, իմ թիմակիցներին, կամ որևէ այլ մարդու կասի թուրք՝ որպես հայհոյանք, դրա մերն էլ, հերն էլ, լավն էլ, ընտանիքն էլ»։

Հնչեց և ներվեց, սակայն սկանդալը չավարտվեց Ազգային ժողովում, Փաշինյանը երեկ՝ առավոտյան, պայթեցրեց և փոթորկեց համացանցը՝ «Սրբազան, գնա շարունակիր քեռուդ կնգան դոմփել, ինձ հետ ի՞նչ գործ ունես» այս և այլ արտահայտություններով։

Բանն այն է, որ շրիշակին հավասարվող ՔՊ վարկանիշը փրկելու համար ելքեր են պետք։ 7 տարվա ընթացքում Փաշինյանն այդ վարկանիշը իջեցրեց՝ նախկին օլիգարխներից թալանը հետ չբերելով, 7 տարում նախկին նախագահներից մեկ լումա չպոկելով, պատերազմի արհավիրքներ հրամցնելով, Եռաբլուրի հողերն ավելացնելով և այլ բացթողումներով։

Այս ամենի տակից դուրս գալու համար Փաշինյանը «հենման կետ» է փնտրում, ում կսևացնի և կբարձրանա։ Ընդդիմությանը թիրախավորելը վաղուց այլևս «նորաձև» չէ․ մնում է Եկեղեցին։

Հենց սա է թերևս պատճառը, որ չհիմնավորված, ոչ փաստական և ընդհանրական մեղադրանքներ հնչեցին ուղղված «Սրբազանին»․ ո՞ր սրբազանին՝ Փաշինյանը չկոնկրետացրեց։ Հետո թիրախավորվեց Վեհափառ Հայրապետը։

Նիկոլ Փաշինյանը, իր կարծիքով, հանրության աչքին բարձրացավ, սակայն հավատացյալների, անգամ չեզոք հայացքների տեր անձանց կողմից արժանացավ պարսավանքի։
Սա նախընտրական հերթական քայլն էր, որը, ըստ Փաշինյանի, պետք է հաճույք պատճառեր հանրությանը․ սակայն թերևս եղավ հակառակը»։

Այս թեմայով Վիրավոր իմ Հայաստան, դու դեռ ուղղելու ես քո ողնաշարը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Պետությունը չպետք է քաղաքացու փոխարեն որոշի՝ նրա վիշտը ֆինանսապես «բավարար ծանր» է, թե ոչ Փաշինյանը նպատակ ունի կտրել թաղման նպաստները ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել