Ճշմարտությունը հաղթելու է, խավարի որդիները փախչելու են. Տեր Մաշտոց քահանա Հակոբյան

«Եկեղեցուն և եկեղեցականներին հալածել են և կհալածեն խավարամիտ մարդիկ, հալածել են հանուն իր վարդապետության, հանուն ազգաշեն գործերի, հանուն հայապահպանության և նույնիսկ հանուն սիրո, որ վայելում է իր զավակների կողմից։ Ընդորում որքան եկեղեցին հզորացել է, որքան մեր հոգևորականներն ազգանվեր ծառայություն են ունեցել, այնքան ավելի է բորբոքվել ազգադավերի նախանձն ու կեղծիքը։ Եվ հիմա էլ, այս օրերին Եկեղեցու հասցեին հնչեցրած կեղծ բնութագրումները ցույց տվեցին, որ ոչ միայն ազգուրացների հետ գործ ունենք, այլ նաև անգրագետների և մոլորյալների։ Անգրագետների, որովհետև չեն գիտակցում, որ շինծու մեղադրանքներով և հորինված կեղծիքով խոսել Հայ Եկեղեցու և հայ հոգևորականի մասին անիմաստ է։