«Փաստ». Փաշինյան-Ադրբեջան տանդեմը թիրախավորել է Հայ առաքելական եկեղեցին

«Փաստ» օրաթերթը գրում է. «Նիկոլ Փաշինյանն իր քպականներով հակաեկեղեցական արշավի հերթական «արարն» է սկսել: Արշավ, որի սկիզբը դրվել է 2018 թվականի իշխանափոխությունից անմիջապես հետո՝ մե՛րթ մոլեգին ուժգնությամբ, մե՛րթ իբր «ընդմիջում» տալով, բայց իրականում «տակից» պայքարելով ամեն ազգայինի, այդ թվում՝ ՀԱԵ դեմ: Հիմա նոր ուժգնությամբ ու նոր «մակարդակով» են վերսկսել հարձակումը:

Այս թեման վերջին մի քանի օրերի ամենաթեժ քննարկվողներից մեկն է, որին անդրադարձել է նաև «Հանրապետության հրապարակ» տելեգրամյան ալիքը՝ մասնավորաբար գրելով, որ Փաշինյան-Ադրբեջան տանդեմը թիրախավորել է Հայ առաքելական եկեղեցին. «Հայ առաքելական եկեղեցու դեմ երկրի ներսում պայքարում են Փաշինյանն ու ՔՊ-ն, որոնց համար հայկական ավանդական արժեքները, պետական և կրոնական ինստիտուտները, Հայ առաքելական եկեղեցին խորթ են և ներքին թշնամի են։ ՔՊ-ն պայքարում է, ծաղրում է Հայ առաքելական եկեղեցուն, Կաթողիկոսին՝ դրանով սպասարկելով թուրք-ադրբեջանական տանդեմի շահերը, քանի որ Հայ առաքելական եկեղեցին այսօր կանգնած է Արցախի հարցի, Հայ դատի, Հայոց ցեղասպանության միջազգային ճանաչման պայքարի պաշտպանության դիրքերում»:

Բանակը կրճատվում է, ընդունվում են օրենքներ, որոնք թույլ կտան փողով ազատվել բանակից. դրվում են հայոց բանակի կազմաքանդման, լուծարման և բարոյազրկման հիմքերը։ Երկրորդ՝ Մայր Աթոռը պայքարում է Արցախի, Գանձասարի և Դադիվանքի համար, ինչը ՔՊ-ի համար կարմիր գիծ է, քանի որ Բաքվից նրանց ընկերները կարող են բարկանալ փաշինյանական կլանի վրա։ Եվ երրորդ՝ հայ-ռուսական ռազմական դաշինքը հակակշիռ է թուրք-ադրբեջանական տանդեմին, և ՔՊ-ն կազմաքանդում է հայ-ռուսական ռազմավարական դաշինքը, որպեսզի Սյունիքի գրավումը Բաքվի կողմից ավելի դյուրին լինի»,-գրում են հեղինակներն ու հավելում, որ, այսպիսով, Փաշինյանն ու թիմը ոչնչացնում են հայոց պետականության հիմնասյուները երկրի ներսից՝ դրանով սպասարկելով Ալիևի՝ «Արևմտյան Ադրբեջան» կոնցեպտը։

Առավել մանրամասն թերթի այսօրվա համարում

Այս թեմայով «Անհամբեր սպասում ենք, որ բացվի Թուրքիայի հետ Հայաստանի սահմանը». Նիկոլ Փաշինյան Վիրավոր իմ Հայաստան, դու դեռ ուղղելու ես քո ողնաշարը Բարեկամ հայ ժողովրդին մաղթում եմ բարեկեցություն և բարգավաճում․ Պուտինը ուղերձ է հղել Փաշինյանին ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար