Wildberries-ը պլանավորում է լոգիստիկ կենտրոն կառուցել Հայաստանում

«Wildberries» ընկերության միջազգային բիզնեսի զարգացման վարչության տնօրեն Ռաֆայել Աբրահամյանը Հունիսի 6-ին հանդես է եկել հայտարարությամբ՝ Հայաստանի Հանրապետությունում լոգիստիկ կենտրոն կառուցելու ծրագրերի մասին։ Հայտարարությունը հնչեց «Էլեկտրոնային առևտուր առանց սահմանների․ Ռուսաստան-Հայաստան» խորագրով համաժողովի ընթացքում, որը կազմակերպվել էր Ռուսաստանի Դաշնության և Հայաստանի Հանրապետության միջև կայացած Տասներորդ միջտարածաշրջանային ֆորումի շրջանակում։

Համաժողովը միավորել էր հայաստանյան և ռուսաստանյան գործարարների, լոգիստիկայի, էլեկտրոնային առևտրի և ֆինանսական տեխնոլոգիաների ոլորտի փորձագետների, պետական կառույցների ու ոլորտային միավորումների ներկայացուցիչների։

Իր բացման խոսքում Ռաֆայել Աբրահամյանը շեշտեց տեխնոլոգիական առաջընթացի և միջազգային համագործակցության դերը՝ սահմաններից դուրս իրականացվող առևտրի զարգացման գործում՝ միաժամանակ ներկայացնելով Wildberries-ի պլանները՝ Հայաստանում լոգիստիկ կենտրոն ստեղծելու վերաբերյալ։

«Այսօր խոսում ենք լոգիստիկայի մասին, վաղը՝ տեխնոլոգիաների։ RWB-ի յուրաքանչյուր քայլ Հայաստանին դարձնում է գլոբալ թվային տնտեսության մի մաս», – նշեց նա։

Հայաստանում ժամանակակից լոգիստիկ պահեստի կառուցումը ստրատեգիական քայլ է, որը նոր հնարավորություններ կստեղծի տեղական ձեռնարկությունների, արտադրողների և արտահանողների համար։

Նախ՝ դա թույլ կտա հայաստանյան ընկերություններին ապրանքները պահել երկրի տարածքում՝ ապահովելով ավելի արագ առաքում գնորդներին և նվազեցնելով լոգիստիկ ծախսերը։

Բացի այդ, պահեստը կդառնա միջազգային շուկաներ մուտք գործելու առանցքային հանգույց. հայկական բրենդները կկարողանան Wildberries-ի գործիքներն ու տեղական պահեստավորման հնարավորություններն օգտագործելով վաճառել իրենց արտադրանքը ինչպես ԵԱՏՄ անդամ երկրներում, այնպես էլ դրանց սահմաններից դուրս։

Այս թեմայով Ուկրաինական անօդաչուները Դոմոդեդովոյում խոցել են Wildberries-ի խոշոր պահեստներից մեկը (Տեսանյութ) Wildberries-ը երկարաձգել է վաճառողների աջակցությունը մինչև 2027–ի հունվարի վերջը: Ուկրաինական անօդաչուները հարձակվել են Վորոնեժում գտնվող Wildberries խոշոր տերմինալի վրա Չեխովում ուկրաինական անօդաչու թռչող սարքերը հարձակվել են Wildberries-ի պահեստների վրա (Տեսանյութ) Wildberries-ի ամենամեծ պահեստներից մեկը հարձակման է ենթարկվել (Տեսանյութ)