Ինչու՞ ԶՊՄԿ-ն չի հայտնվել 1 000 խոշոր հարկատուների ցուցակում. ՊԵԿ նախագահի պարզաբանումը

Պետական ​​եկամուտների կոմիտեի նախագահ Էդուարդ Հակոբյանը բացատրել է, թե ինչու Զանգեզուրի պղնձամոլիբդենային կոմբինատը 2025թ. առաջին եռամսյակում չի ընդգրկվել հանրապետության 1 000 խոշոր հարկատուների ցանկում։

«2024թ. արդյունքների հիման վրա Զանգեզուրի պղնձամոլիբդենային կոմբինատը գրանցել է վաճառքի նվազում՝ 2023թ. համեմատ։ Այդ պատճառով 2025թ. վճարման ենթակա ռոյալթին նվազել է։ Բացի այդ, քանի որ 2024թ. կատարվել է ավելի մեծ նախավճար, միջոցների մի մասը վերադարձվել է առաջին եռամսյակում։ Եթե չեմ սխալվում, խոսքը 21-22 մլրդ դրամի մասին է։ Սա միանվագ գործարքի արդյունքում ստացված վերադարձ է։ Այս 21-22 մլրդ դրամի պատճառով գործարանը անմիջապես հանվել է 1 000 խոշոր հարկ վճարողների ցանկից», բացատրել է Հակոբյանը։

Նշենք, որ Զանգեզուրի պղնձամոլիբդենային կոմբինատը, որը վերջին 4 տարիների ընթացքում գլխավորել է Հայաստանի 1 000 խոշոր հարկատուների ցանկը եւ 2024թ. վերջին հանրապետության պետական ​​բյուջեն ապահովել է 101.97 մլրդ դրամով, այս տարվա առաջին եռամսյակի ցանկում չի ընդգրկվել։

Այս թեմայով ԶՊՄԿ-ն արձագանքում է Արամ Սարգսյանի հայտարարությանը Իրանցի փորձագետները բարձր գնահատեցին ԶՊՄԿ-ի անվտանգային չափանիշները՝ հերքելով Ադրբեջանի կեղծ թեզերը