«Ալյանս» կուսակցությունը հայտնել է իր վարչապետի թեկնածուի անունը

«Ալյանս» կուսակցությունը տարածել է հայտարարություն.

«ՀՀ֊ում իշխանությունը զավթած օտարերկրյա գործակալական հանցավոր խմբին իշխանազրկելու սահմանադրական գործընթացի առնչությամբ «Ալյանս» առաջադիմական ցենտրիստական կուսակցության վարչությունը համարում է, որ նախկինների համակարգի մաս կազմող և ներկայիս իշխանազավթ համակարգում նշանակովի պաշտոններ զբաղեցրած որևէ թեկնածու չի կարող իմպիչմենտին զուգահեռ ներկայացվել որպես վարչապետի ընդդիմադիր թեկնածու, ինչից ելնելով որոշում է կայացրել ներկայացնել վարչապետի իրական այլընտրանքային թեկնածուի` ՀՀ ԱԺ երեք գումարումների նախկին պատգամավոր Ալյանս կուսակցության նախագահ Տիգրան Ուրիխանյանի թեկնածությունը, որը մշտապես կոշտ ընդդիմադիր դիրքորոշում է հայտնել թե նախկին, թե ներկայիս ռեժիմների նկատմամբ և այժմ քրեորեն հետապնդվում է ՀՀ իշխանազավթների կողմից հակաիշխանական կոչեր հնչեցնելու համար, այն է ` հանդիսանում է պաշտոնապես քաղաքական հետապնդյալ»,- ասված է հայտարարության մեջ։