Էներգետիկ համակարգը կարող է կոլապսի ենթարկվել. ՀԷՑ-ի ազգայնացման հակառակ երեսը

Օրեր առաջ Նիկոլ Փաշինյանը հայտարարեց, որ սկսել է ՀԷՑ-ի ազգայնացման գործընթաց.«Կարծում եմ հասունացել է պահը, երբ Հայաստանի էլեկտրական ցանցեր ՓԲԸ-ն պետք է ազգայնացվի (պետականացվի)։ Դա տեղի կունենա արագ և իմ հանձնարարականն է ՀԷՑ-ի բոլոր աշխատակիցներին՝ բարեխղճորեն կատարել իրենց աշխատանքային պարտականությունները»,-գրել էր նա։

Տնտեսական ինչ հետեւանքներով է հղի ՀԷՑ-ի ազգայնացումը, ինչ նոր մարտահրավերների առաջ կարող է կանգնել ՀՀ-ն հարցին անդրադարձել է տնետասագիտության պրոֆեսոր Վարդան Բոստանջյանը.

- Նախ այն ինչ ասվում ու արվում է որեւէ աղերս չունի տնտեսագիտության հետ, այն ամբողջովին քաղաքական է։ Փաշինյանի սպառնալիքը ուղիղ շանտաժ է՝ ուղղված այս պահին ՀԷՑ-ի սեփականատիրոջը։ Դրանից առաջ ստուգումներ իրականացրեցին, ակնհայտ է, որ ուզում են փոխել ՀԷՑ-ի սեփականատիրոջ կարգավիճակը, ինչը չի կարող լավ հետևանքներ ունենալ։ Ակնհայտ է, ընթանում է քաղաքական պայքար՝ 2026 թվականի ընտրություններից առաջ, և իշխանությունն այնպես է ուզում անել, որ հանկարծ որևէ դժվարության առջև չհայտնվեն։ 

Այստեղ ամբողջ ողբերգությունն այն է, որ քաղաքական գործիչներին չի հետաքրքրում ՀԷՑ-ի աշխատանքը, քանի որ նրանք չեն հասկանում՝ այն ավելի լա՞վ կաշխատի ազգայնացումից հետո, թե՞ ոչ։ Նրանց պարզապես հետաքրքրում է միայն անձնական շահը, հետևաբար՝ խոսելով ազգայնացումից, առաջին հերթին վախեցնում են ՀԷՑ-ի սեփականատիրոջը։ Հայաստանը գտնվում է շուկայակական հարաբերությունների մեջ, պարզ է, որ այդ կառույցը պետք է հայտնվի մասնավոր սեկտորի ձեռքում, այն ունի մեծ շրջանառություն այնպիսի երկրում, ինչպիսին Ռուսաստանի Դաշնությունն է։ Կարծում եմ՝ այդ ազգայնացման հարցն այդքան հեշտ չի լինելու։ Սա ընդհանուր տնտեսական հարաբերությունների կտրվածքով դրական երևույթ չէ։  Նաև բան չի կարող փոխել մեր տնտեսության ու սպառողի կյանքում։ Հակառակը՝ պետականացումից հետո քաղաքացիների համար ստեղծվելու է աղետալի վիճակ, էներգետիկ համակարգը կարող է կոլապսի ենթարկվել իր բոլոր անցանկալի հետեւանքներով հանդերձ։

Այս թեմայով Հայաստանի ազգային հրավիրված ֆուտբոլիստների ցանկը Էլեկտրաէներգիան թանկանալու ա, հերիք ա գազի գինը թանկանա, ներդրումներն ազդում են գնի վրա Էլեկտրաէներգիայի պլանային անջատումներ ԱՄՆ նոր Կոնգրեսը կունենա բացահայտ ԼԳԲՏ-ականների ռեկորդային թիվ Երբ ցանկանում էի խոսել երեխայիս հետ գրական հայերենով, ստիպված էի լսել՝ «Մի՜ հաչա այդ շան լեզվով»․ Անի Օհանյան