«Ժողովուրդ». Ընդդիմադիր պատգամավոր Մհեր Սահակյանի մահվան դեպքի առթիվ քրեական գործը կարճվել է

«Ժողովուրդ» օրաթերթը գրում է. «ՀՀ քննչական կոմիտեն կարճել է ԱԺ «Հայաստան» խմբակցության պատգամավոր Մհեր Սահակյանի՝ ավտովթարի հետեւանքով մահվան դեպքի առթիվ նախաձեռնված քրեական վարույթը։

«Ժողովուրդ» օրաթերթին Քննչական կոմիտեից պաշտոնապես հայտնեցին, որ քրեական վարույթը կարճվել է «հանցանքի բացակայության» հիմքով։

Հիշեցնենք, որ ԱԺ նախկին պատգամավոր Մհեր Սահակյանը ավտովթարի օրն ալկոհոլի կամ թմրանյութի ազդեցության տակ չէր եղել։ Տեղեկությունը ArmLur.am-ին հայտնել էին ՀՀ քննչական կոմիտեի մամուլի ծառայությունից։

ՀՀ քննչական կոմիտեն ամիսներ առաջ ստացել էր ԱԺ նախկին պատգամավորի մահվան դեպքի առթիվ նախաձեռնված քրեական վարույթով նշանակված փորձաքննությունների եզրակացության պատասխանը, ըստ որի` Մհեր Սահակյանը դեպքի օրն ալկոհոլ կամ թմրանյութ օգտագործած չի եղել։

Հիշեցնենք` հունվարի 13-ին հայտնի դարձավ, որ Արարատի մարզում ավտովթարի հետևանքով մահացել է «Հայաստան» խմբակցության պատգամավոր, ՀՅԴ անդամ Մհեր Սահակյանը։ Սահակյանի մեքենան հայտնաբերվել էր Տիգրանաշենի ոլորանների ձորում։

Պատգամավորի մահվան դեպքով քրեական վարույթ էր նախաձեռնվել ՀՀ քրեական օրենսգրքի 342-րդ հոդվածի 2-րդ մասի հատկանիշներով` ճանապարհային երթևեկության կամ տրանսպորտային միջոցների շահագործման անվտանգությունն ապահովող կանոնները խախտելը, որն անզգուշությամբ առաջացրել է մարդու մահ։

Ասել է թե՝ այդպես էլ առեղծված մնաց, թե ինչ կատարվեց Մհեր Սահակյանի հետ այդ օրը, արդյոք կատարվածը դժբախտ պատահար էր, թե Մհեր Սահակյանը մնացել էր կոնկրետ անձանց կոկորդին»։

Առավել մանրամասն թերթի այսօրվա համարում

Այս թեմայով ՆԳՆ քրեական ոստիկանները «օրենքով գողերի» են ձերբակալել Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Պետությունը չպետք է քաղաքացու փոխարեն որոշի՝ նրա վիշտը ֆինանսապես «բավարար ծանր» է, թե ոչ