Նրանց ձայնը լռեցնելու փորձերը նման են խղճի ձայնը լռեցնելու

Սրբազանի՝ հոգևորականի ձերբակալությունը ցանկացած ժողովրդավարական և ազգային արժեքներ կրող պետությունում պետք է դիտարկվի որպես շատ լուրջ և զգուշություն պահանջող քայլ,-անդրադառնալով եկեղեցու շուրջ տեղի ունեցողին, նմսն տեսակետ է հայտնում արցախցի փաստաբան Ռաֆայել Մարտիրոսյանը.
- Եթե հոգևորականին ձերբակալում են՝
քաղաքական պատճառներով,
այդ քայլը ցույց է տալիս, որ իշխանությունը ոչ միայն չի հանդուրժում այլակարծությունը, այլ փորձում է ճնշել նաև հոգևոր ազդեցիկ ձայները, որոնք հասարակության բարոյական ու հոգևոր կողմնորոշիչներն են։ Դա սոսկ իրավական հարց չէ, այլ հոգևոր արժեքների դեմ հարձակում։
Իրավական գործընթացով, հստակ ապացույցների հիման վրա,
պետք է լինի բաց և թափանցիկ դատավարություն, որտեղ հասարակությունը կարող է համոզվել, որ հոգևորականի նկատմամբ չկա քաղաքական կամ աշխարհիկ ճնշում՝ պարզապես նրա դավանանքի պատճառով։

Ձերբակալել սրբազանին՝ առանց հստակ, հիմնավորված և հանրությանը բացատրելի պատճառների,
վտանգավոր նախադեպ է,
խաթարում է հասարակական վստահությունը պետության և հոգևոր իշխանության միջև,
բևեռացնում է ժողովրդին,
և վնասում է ազգային համերաշխությանը։
Այսպիսի ժամանակներում հատկապես պետք է հոգևորականները լինեն սփոփող, միմյանց միավորող և ճշմարտությունը բարձրաձայնող։ Նրանց ձայնը լռեցնելու փորձերը նման են խղճի ձայնը լռեցնելու։
Եվ դա պետության համար ոչ թե ուժի, այլ թուլության նշան է։

Այս թեմայով Վթարային ջրանջատում կլինի Երևանի Դավթաշեն վարչական շրջանում Ucom-ի աջակցությամբ AI տեսախցիկ է տեղադրվել բնության պահպանության համար Նման նշանները վկայո՞ւմ են խոշոր պատերազմի մոտենալու մասին (Տեսանյութ) Մակրոնը Թրամփի հետ պայմանավորվել է «լուրջ բանակցություններ սկսել» Ուկրաինայի հարցով Մերցի կուսակցությունը պարզապես չի գոյատևի մինչև «Ռուսաստանի հետ պատերազմը»