Մարդիկ, որոնք այսօր զբաղված են Արցախում քրիստոնեական ժառանգության ոչնչացմամբ, խոսում են հորինված իրավունքների մասին

«Մինչ մեր հաղթանակը՝ մեր հարաբերությունները Հայ Առաքելական եկեղեցու հետ այլ էին», – լրագրողների հետ զրույցում հայտարարել է Կովկասի մահմեդականների վարչության ղեկավար, շեյխուլիսլամ Ալլահշուքյուր Փաշազադեն, հայտնում է APA-ն։

«Մինչև 2020 թվականը, երբ հանդիպում էինք եկեղեցու առաջնորդների հետ, նրանք իրենց պահում էին որպես հաղթողներ և վերևից էին նայում մեզ։ Դա վիրավորական էր թե՛ ինձ, թե՛ ադրբեջանցի ժողովրդի համար։ Հիմա ես հաղթանակ տարած ժողովրդի շեյխուլիսլամն եմ և հպարտանում եմ դրանով։ Վերջերս վերականգնեցինք Իրևանի քազիլյաթը։ Աստծու օգնությամբ մենք նաև կվերադառնանք այդ հողեր, կվերականգնենք մեր սրբավայրերը, սրբատեղիներն ու մզկիթները, և մեր հոգևորականները նույնպես կծառայեն այնտեղ», – նշել է նա։

Ադրբեջանագետ Տաթեւիկ Հայրապետյանը վերլուծելով վեդջինիս հայտարարությունը նկատում է.

- Կովկասի մուսուլմանների առաջնորդի հայտարարությունն ամբողջությամբ համադրվում է դեռևս մայիսի 22-ին արված նրա բավականին սադրիչ հայտարարության հետ, որում նա թիրախավորել էր Հայ Առաքելական Եկեղեցին, ու այդ շրջանակներում սա նաև համադրվում է «Արևմտյան Ադրբեջան» զավթողական կոնցեպտի հետ, որում իրենք ՀՀ տարածքը փորձում են ներկայացնել հին ադրբեջանական հող: Իրենց ասած «ղազիաթը» հոգևորական շարիաթի դատավորն է, որը մուսուլմանների շրջանում ինչ-որ դատական գործեր է քննում, նրանք նույնիսկ ինչ-որ մեկին նշանակել են այնտեղ: 

Նրանց այս սադրիչ քայլերը ցույց են տալիս իրենց հեռահար նպատակները, որ իրենք որևէ կերպ չեն ցանկանում թաքցնել, ու ամբողջությամբ զբաղված են պատմական կեղծարարությամբ, մասնավորապես ասում են, որ կգան այդ հողեր, ինչ-որ տաճարներ կվերականգնեն: Այսինքն՝ մարդիկ, որոնք այսօր զբաղված են Արցախում քրիստոնեական ժառանգության ոչնչացմամբ, խոսում են հորինված իրավունքների մասին: Այս ամբողջ քաղաքականությունը, նմանատիպ հայտարարությունները, որոնք մի կողմից զավեշտալի են թվում, մյուս կողմից՝ Ադրբեջանի զավթողական քաղաքականության բաղկացուցիչ մասն են: 

Փաշազադեն այդ ամենը օգտագործում է հիմնականում Հայ Առաքելական Եկեղեցին թիրախավորելու համար ու վերջին շրջանի իր ելույթներում և հայտարարություններում ակտիվորեն անում է դա: Նույն մայիսի 22-ի ելույթի ժամանակ նա ասել էր, որ «Հայկական Եկեղեցին մեծ սպառնալիք է Հայաստանի հարևան բոլոր տարածաշրջանային երկրների համար», այսինքն՝ ամբողջությամբ խեղաթյուրված մի հայտարարություն, իրականության հետ կապ չունեցող, որն իրենք շարունակ փորձում են առաջ մղել:

Այս թեմայով Ucom-ի աջակցությամբ AI տեսախցիկ է տեղադրվել բնության պահպանության համար Բրյուսելի հայտնի խորհրդանիշ «Մաննեկեն Պիսը» ՀՀ Անկախության օրը ներկայացել է հայկական տարազով Նման նշանները վկայո՞ւմ են խոշոր պատերազմի մոտենալու մասին (Տեսանյութ) Մակրոնը Թրամփի հետ պայմանավորվել է «լուրջ բանակցություններ սկսել» Ուկրաինայի հարցով «Ժողովուրդ». Այսօր կորոշեն Հայկ Սարգսյանի ճակատագիրը