Ծովինար Թադևոսյանն այցելել է Վանաձոր ՔԿՀ

Քրեակատարողական ծառայության պետ Ծովինար Թադևոսյանը տեղակալներ Սահակ Գրիգորյանի և Վահե Նանուշյանի հետ այցելել է «Վանաձոր» քրեակատարողական հիմնարկ։

Հիմնարկի պետ Արկադի Թադևոսյանի ուղեկցությամբ Ծառայության պետը շրջել է հիմնարկի ամբողջ տարածքում, այցելել նոր վերանորոգված և կահավորված խցերը, սանհանգույցները, բնակելի գոտու հիմնանորոգված այլ հատվածներ։ Շրջայցի ընթացքում Ծովինար Թադևոսյանը ծանոթացել է նաև մատուցվող սննդին։

Ազատությունից զրկված անձանց հարցերին և խնդիրներին անձամբ ծանոթանալու նպատակով Ծառայության պետն այցելել է հիմնարկի բոլոր խցերը և զրուցել ազատազրկված անձանց հետ։ Վերջիններիս կողմից բարձրացված որոշ հարցեր տեղում ստացել են լուծումներ, տրվել են անհրաժեշտ պարզաբանումներ անձնական և իրավական բնույթի մի շարք հարցերի շուրջ։ Ազատազրկված անձանց հետ քննարկվել են նաև բարձրացված որոշ խնդիրների լուծման ընթացակարգերը և այդ ուղղությամբ Ծառայության կողմից իրականացվելիք աշխատանքները։    

Խոսելով ազատազրկված անձանց աշխատանքային զբաղվածության ապահովման և վերասոցիալականացման գործընթացներից՝ Ծովինար Թադևոսյանը ներկայացրել է «Վանաձոր» քրեակատարողական հիմնարկում ուսումնաարտադրական կենտրոնի ստեղծման հեռանկարները, ինչը թույլ կտա դատապարտյալներին ձեռք բերել մասնագիտական նոր հմտություններ և գումար վաստակելու հնարավորություն։

Այս թեմայով Ծովինար Թադևոսյանը վերանշանակվել է Քրեակատարողական ծառայության պետի պաշտոնում Հայ դերասանը՝ Dior-ի ձմեռային նոր արշավում «Հրապարակ». Բարձր օղակներում քննարկվում են նաեւ Զարեհ Սինանյանի եւ Ծովինար Թադեւոսյանի պաշտոնանկության հարցերը Ովքեր են ՔՊ ցուցակի առաջին 50 հոգին .ՑԱՆԿ Լռությունն այլևս ոսկի չէ․ քննարկում են դատավորներն ու հաղորդակցման մասնագետները