«Փաստ». Ռուսական հեռուստաալիքների հեռարձակման արգելքի թեման նորից ակտուալ է

«Փաստ» օրաթերթը գրում է. «Ոչ մեկ անգամ անդրադարձել ենք, որ իշխանությունները ցանկանում են ռուսական ալիքները հեռացնել Հայաստանի մուլտիպլեքսից: Սա հստակ «արևմտյան» պահանջ է, որը կյանքի կոչելուց, սակայն, առայժմ զերծ են մնացել Նիկոլ Փաշինյանն ու իր թիմը, թեկուզ հենց բարձրաստիճան պաշտոնյաներն են ակնարկել այդ մասին: Եվ ահա, վերջին օրերին այս թեման նորից ակտուալ է դարձել:

Մասնավորաբար, Հայաստանի «արևմտյան» որոշ միավորներ նախատեսում են հուլիսի 9-ին բարձր տեխնոլոգիական արդյունաբերության նախարարության շենքի դիմաց բողոքի ակցիա իրականացնել՝ պահանջելով «ռուսական պետական հեռուստաալիքները անհապաղ անջատել հանրային մուլտիպլեքսից և կաբելային ցանցերից, իսկ «Սպուտնիկ Արմենիայի» գործունեությունն արգելել ՀՀ տարածքում»։

ՀՌՀ-ն, բնականաբար, չի խոսում կաբելային հեռարձակումն արգելելու մասին, բայց «արևմտյան» նշյալ միավորները նաև դա են նշում՝ անտեսելով այն հանգամանքը, որ դրանով ոտնահարվում է մարդու՝ տեղեկություն ստանալու և իր վճարման դիմաց համապատասխան ծառայություն ստանալու իրավունքը: Առավել ևս, որ կաբելային ցանցը պատկանում է մասնավոր ընկերություններին, և նրանք են ընտրում՝ ինչ առաջարկեն իրենց սպառողին: Նույն տրամաբանությամբ այլ ուժեր կարող են պահանջել ոչ պակաս «մանիպուլ յատիվ, քարոզչական ներգործություն» իրականացնող արևմտյան հեռուստաալիքների հեռարձակման դադարեցումը կաբելային ցանցերից»։

Առավել մանրամասն թերթի այսօրվա համարում

Այս թեմայով Կիևի մոտակայքում նորից խոշոր հրդեհ է Ուկրաինական աղբյուրների տարածել են ռուսական «Գերան-5» հրթիռային անօդաչուի թռիչքի եւ թիրախի խոցման կադրերը (Տեսանյութ) Ռուսական բանակը խորը ճեղքումով է իրականացրել Վելիկիյ Բուռլուկի հյուսիսային թեւում Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Թրամփը կրկին պահանջել է, որ Զելենսկին դադարեցնի ռուսական նավթավերամշակման գործարաններին հարվածները. Axios