«Пацан сказал — пацан сделал, ես դեռ կվերադառնամ, Երեւա՛ն». Տիմատի

Վերջապես Հանրապետության հրապարակում այսօր կայացավ ռեփեր ՏԻՄԱՏԻԻ անվճար մենահամերգը, որը խոստացված 1 ժամ 40 րոպեի փոխարեն, տեւեց 2 ժամ 40 րոպե:

Երգիչը տպավորված էր, որ թեպետ նախորդ անգամ իր մենահամերգին Մարզահամերգային համալիրում չերգեց, բայց այդուհանդերձ, ամենաներող հայ հանդիսատեսը եկել էր ունկնդրելու իր երգերը:

Համերգի ընթացքում նա անգամ եռագույն դրոշը ծածանեց, իսկ ավարտին հայտնի ռեփերն ասաց, որ չնայած բոլորն ուզում են իր հետ նկարվել, բայց ինքն ուզում է նկարվել հրապարակում ներկա 40 հազար հայերի հետ եւ ներողություն խնդրելով հանդիսատեսից, որ ստիպված է հետեւանց կանգնել նրանց, ավանդական «սելֆի» արեց:

Եվ մինչ բեմահարթակը կլքեր, Տիմատին նաեւ շեշտեց. «Пацан сказал — пацан сделал, ես դեռ կվերադառնամ, Երեւա՛ն»:

Հրապարակը լքեցին ռուս ռեփերն ու երկրպագուները, իսկ այն, ինչ նրանցից հետո հիշեցնում էր տարածքը, ուղղակի, ողբերգական էր: Հանրապետության հրապարակը վերածվել էր Սովետաշենի աղբանոցի, որտեղ կարելի էր գտնել ապակե ու կապրոնե շշերի մեծ տեսականի, էլ չենք ասում օդում Տիմատիի երգերի տակ «պարող» պոլիէթիլենային տոպրակների մասին…

Ինչեւէ, պետք է փաստենք, որ Տիմատին խելքի եկավ ու հասկացավ, որ ռեփերային «կռուտիտներով» հայերին չի կարող խաբել եւ գումար վաստակել մի մենահամերգից, որտեղ ինքը ելույթ չի ունեցել: Այնպես որ, մեզ էլ մնում է խելքի գանք ու օտար աստղերին սիրելուց առավել, սիրենք մեր քաղաքն ու մաքուր պահենք այն՝ առանց սպասելու շաբաթօրյակների:

Հիշեցնենք, որ Տիմատիի, Black Star խմբի, L’ONE­-ի եւ MOT­-ի  համատեղ համերգը նախատեսված էր մայիսի 12­-ին Կ. Դեմիրճյանի անվան մարզահամերգային համալիրում: Սակայն, երգիչը պատճառաբանելով, թե տեխնիկական խնդիրներ կան, այդպես էլ բեմ չէր բարձրացել, ինչը մեծ զայրույթ էր առաջացրել համերգի բավական թանկ տոմսեր ձեռք բերած հանդիսատեսի մոտ: Տեղի ունեցածից հետո, ռեփերը որոշել էր մեղքերը քավել եւ համացանցում տեսանյութ էր հրապարակել՝  խոստանալով անվճար համերգ ունենալ Երեւանում:

ՀՐԱՆՏ ՍԱՐԱՖՅԱՆ

Այս թեմայով Վիրավոր իմ Հայաստան, դու դեռ ուղղելու ես քո ողնաշարը Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը ՇՏԱՊ. 36-ամյա գործարարին մահացած են գտել. Հրապարակ Տիրադավ հոգևորականը խաղում է կազինոյում․ «Հրապարակ»