Այստեղ պատմություն է ապրում. Տոնդ շնորհավոր Թալին

Տոնդ շնորհավոր, Թալի՛ն․

Սիրելի՛ թալինցիներ,
Այսօր մեր քաղաքի բացառիկ օրն է՝ Թալինի օրը, որը միավորում է մեզ բոլորիս մեկ գաղափարի շուրջ՝ սիրել, զարգացնել և բարձր պահել մեր հայրենի քաղաքի անունը։ Շնորհավորում եմ բոլորիս, բոլոր թալինցիներին՝ մեր սիրելի քաղաքի տոնի՝ Թալինի օրվա կապակցությամբ։

Թալինը քաղաք է, որտեղ պատմությունն ապրում է ամեն քարի մեջ, որտեղ հնությունը միահյուսվում է նորարարությանը, և որտեղ մարդիկ ամեն օր գրում են արժանապատիվ կյանքի նոր էջեր։ Այսօր մենք տոնում ենք ոչ միայն քաղաքի պատմական անցյալն ու ներկան, այլ նաև մեր անսասան կամքը՝ կերտելու պայծառ ապագա։ Թալինը հազարամյակների պատմություն ունեցող հող է, որտեղ յուրաքանչյուր փողոց, եկեղեցի, քար ու ծառ պատմում է մեր ազգային դիմագծի, հոգևոր ժառանգության և արժանապատիվ գոյության մասին։ Բայց Թալինը միայն անցյալով չէ հպարտ․ այն ապրում է, զարգանում է ու վստահորեն շարժվում առաջ՝ մեր բոլորի միասնությամբ, ջանքով ու երազանքով։

Այս տոնը մեզ հնարավորություն է տալիս մեկ վայրկյան կանգ առնելու, նայելու անցած ճանապարհին, հպարտանալու հաղթանակներով, ճանաչելու դժվարությունները և նոր ուժով շարժվելու առաջ։ Այսօր Թալինը զարգանում է՝ քայլելով առաջընթացի ճանապարհով, որտեղ յուրաքանչյուր փոփոխություն մի նոր սյուն է ապագայի կայուն հիմքի համար։ Մենք միասին ենք կերտում այն քաղաքը, որը լինելու է ոչ միայն քաղաք, այլ նաև հպարտության աղբյուր և տուն՝ թե՛ մեզ համար, թե՛ մեր սերունդների։ Ամեն նոր ճանապարհ, վերանորոգված կրթական կամ մշակութային օջախ, համայնքային նախաձեռնություն վկայում է մեկ բանի մասին՝ Թալինը ապրում է ու զարգանում։ Թալինն ապրում է իր մարդկանց մեջ՝ աշխատող, ստեղծող, մտածող, ապագային հավատացող մարդկանց մեջ։ 

Սիրելի՛ թալինցիներ,
Այս օրը թող մեզ բոլորիս նոր ոգևորություն տա՝ սիրելու մեր քաղաքն ավելի շատ, պահելու մաքուր նրա հոգին, և ամեն օր մեկ քայլով մոտենալու նրան, ինչի մասին երազում  և ինչի համար գործում ենք։

Թող Թալինի վրա միշտ լույս լինի։ Թող մեր սրտերում չմարի սերը այս քաղաքի, այս հողի ու այս ժողովրդի նկատմամբ։ Թող Թալինը միշտ հպարտությամբ հնչի՝ որպես միասնականության, հայրենասիրության եւ  համախմբվածության քաղաք, որպես՝ բարեկարգ, ժամանակակից, զարգացող, առաջադեմ մտքի եւ կրթության քաղաք։ Այսպիսի Թալինն է մեր բոլորիս նպատակը։ Եվ մենք այն միասին ենք իրականություն դարձնում։

Թալինը մեր տունն է՝ անցյալով հպարտ, ներկայում ուժեղ և ապագայի հանդեպ լիահույս։

Շնորհավո՛ր Թալինի օրը, շնորհավոր թալինցիների օրը, շնորհավոր մեր բոլորի տոնը։
Թող խաղաղությունը, բարօրությունն ու առաջընթացը մշտապես ուղեկցեն մեր քաղաքին։ Ծաղկի՛ր մեր տուն՝ Թալին։

Հարգանքով՝
Տավրոս Սափեյան
Թալին համայնքի ղեկավար

Այս թեմայով Հսկա բեռնանավը հարվածել է ձկնորսական նավի՝ գրեթե խորտակելով այն (Տեսանյութ) Օրվա խորհուրդ. Սեպտեմբերի 22 Նման նշանները վկայո՞ւմ են խոշոր պատերազմի մոտենալու մասին (Տեսանյութ) Էլեկտրաէներգիայի պլանային անջատումներ «Ժողովուրդ». Լենա Նանուշյանի նոր ձախողումների շարքը