Ավելի լավ էր ընդհանրապես լռեր. ԶԱՐՄԱՆՔ

Հասել ենք մի կետի, երբ մանկավարժի կարգավիճակն այլեւս ոչ թե պատվաբեր առաքելություն է, այլ որոշ դեպքերում՝ մանիպուլյատիվ գործիք՝ քաղաքական թատերաբեմում: Հակոբ Կոջոյանի անվան կրթահամալիրի տնօրեն ՌՈՒԶԱՆՆԱ ԵՐԵՄՅԱՆԸ, ով հրապարակավ հայտարարել էր, թե պատրաստ է միանալ Նիկոլ Փաշինյանի՝ Վեհարանը կաթողիկոսից ազատելու գործողությանը, երեկ սոցցանցում մի հատ էլ ուղիղ եթերով է հանդես եկել: Ավելի լավ էր ընդհանրապես լռեր: Սույն մանկավարժը, պարզվում է, որեւէ վիրավորական բան չի տեսնում Ամենայն Հայոց կաթողիկոսին ավազանի անունով կոչելու եւ Վեհարանի դեմ հարձակման ակտ կատարելու մտադրության մեջ: Ահա թե ուր ենք հասել. «կրթության հենասյուն» համարվող տնօրենը՝ բարոյականության փլատակների տակ՝ սրբության դեմ հարձակումներին արդարացումներ է փնտրում: Ո՞վ պետք է երեխաներին սրբություն սովորեցնի, եթե նման մտածողություն ունեցողներն են կանգնած դպրոցների ղեկին… Ի դեպ, սույն տիկինը ժամանակին էլ հայտնվել էր մամուլի ուշադրության կենտրոնում: Դեռեւս 2023 թվականին Yerkir.am-ը գրել էր, որ Արցախի շրջափակման դժոխային օրերին Ռուզաննա Երեմյանն ամառային հանգիստը անցկացրել է ո՛չ ավել, ո՛չ պակաս Ստամբուլում: Նրա էջը ողողված է եղել Թուրքիայի մզկիթների, թանգարանների ու փողոցների նկարներով։ Նա անթաքույց սերն առ Թուրքիա այնքան չի կարողացել զսպել, որ լուսանկարների գրեթե մեծ մասը նվիրված են եղել ստամբուլյան խրախճանքներին։ Երեւի, հենց այնտեղ էլ ընկեր Երեմյանը կորցրել է իր հավատը, ինչի մասին ասում էր երեկ՝ ուղիղ եթերում:

Ոչ պակաս զարմանալի հայտարարությամբ է հանդես եկել ԱՆ Պետական առողջապահական գործակալության (ՊԱԳ) պետ ՍԱՄՎԵԼ ՂԱԶԱՐՅԱՆԸ: Ըստ նրա. «Ցավոք, եկեղեցու ներսում ոչ բռնի թավշյա հեղափոխությունն ուշ է հասնում, բայց դա պիտի տեղի ունենա: Վեհարանը վեհի՛»: Եվ ահա սույն անձի մասին ուշագրավ մանրամասներ է հայտնում «Առողջություն եւ իրավունք» ՀԿ համահիմնադիր Անուշ Պողոսյանը. «Սամվել Ղազարյանը ժամանակին մասնակից է եղել կոռուպցիոն հանցագործությանը, իսկ այժմ որոշել է ընդվզել եկեղեցու դեմ։ Անահիտ Ավանեսյան, չեք պատկերացնի, թե առողջապահական համակարգի կազմակերպիչներն ինչքան են խոսել սույն անձի ոչ կոմպետենտ լինելու մասին, ուստի՝ ՊԱԳ-ը պետք է ազատել քրեական անցյալով պետից։ Սկսե՛ք, ՊԱԳ-ը ազատագրելու գործընթացը մեկնարկվեց..... Ոչ թավշյա հեղափոխությունը մտավ ՊԱԳ»: Միայն թե, տիկին Պողոսյանն իզուր է դիմում առողջապահության նախարար Ավանեսյանին եւ կարծում, թե նա ինչ-որ բանից անտեղյակ է: Հիշեցնենք, որ մամուլում ժամանակին լայնորեն շրջանառվում էր, որ նախարարի ամուսինը` Ստեփան Ավանեսյանը, հանդիսանում է Հայաստանում գործող «Ռեմա» աղանդի հետեւորդ: Այսքանից հետո՝ էլ ի՞նչ սպասել այս նախարարից կամ իր ենթակայության տակ գործող պետից:

Հատկանշական է նաեւ «Ժողովրդավարական հայրենիք» կուսակցության ղեկավար ՊԵՏՐՈՍ ՄԱԿԵՅԱՆԻ վերջին հայտարարությունը: Մարդ, ով ժամանակին սատարել է Նիկոլ Փաշինյանին եւ մասնակցել 2018-ի իշխանափոխությանը, ապա իրեն քցված համարել վերջինիս կողմից, հիմա ասում է. «Առաջիկա ընտրություններն այլեւս ոչ լեգիտիմ են, որովհետեւ Հայաստանում ձեւավորվել է ահաբեկչության ու վախի միջավայր, որտեղ չի կարող տեղի ունենալ ժողովրդավարական ընտրություններ։ Ընտրությունները ոչ լեգիտիմ են լինում ոչ միայն վարչական ռեսուրսների չարաշահմամբ, ընտրակաշառքի առկայությամբ, քրեական տարրերի ակտիվ դերակատարմամբ, վերջնարդյունքում՝ թվանկարչությամբ, այլեւ հասարակության մոտ վախի ու ահաբեկչության միջավայրի առկայությամբ»։ Ու հետո ի՞նչ, որ Մակեյանն է ասում, ճի՛շտ է ասում:

ԶԱՐՄԱՑԱԾ Է «ԻՐԱՎՈՒՆՔ»-Ը 

Այս թեմայով Արագածոտնի թեմը դատապարտել է Սուրբ Գևորգ եկեղեցում կարգալույծ հոգևորականի մատուցած կեղծ պատարագը Շնորհավորում ենք Վեհափառ Տիրոջը, մաղթում քաջառողջություն, արևշատություն և կորով Երևանում 3 անչափահաս տղաների ծայրահեղ ծանր վիճակում երեկ տեղափոխել են հիվանդանոց Աթոռ շպրտողի և ջուր լցնողի նկատմամբ քրեական հետապնդում չիրականացնող դատախազին պետք է շքանշան տալ․ Փաստաբան Կիրակի՝ Սուրբ Խաչի Գյուտի տոնին Պատարագներ կմատուցվեն