Արդեն 10 տնտեսվարող արտահանում իրականացնում է. ՍԱՏՄ–ն` ծաղկի շուկայի խնդիրների մասին

Ծաղկավաճառների մոտ վերահսկողական գործողությունները շարունակվում են, այս պահին արդեն 10 տնտեսվարող կարողանում է արտահանում իրականացնել, մյուս տնտեսվարողները փորձում են իրենց աճեցրած ծաղիկները ներքին շուկայում իրացնել և զուգահեռ հայտնաբերված խնդիրները կարգավորել։ Sputnik Արմենիայի հետ զրույցում այս մասին ասաց Սննդամթերքի անվտանգության տեսչական մարմնի իրազեկման, խորհրդատվության և հանրության հետ տարվող աշխատանքների բաժնի պետ Անուշ Հարությունյանը։ Նրա խոսքով՝ խնդրի լիարժեք հանգուցալուծումը դեռ հեռվում է, որովհետև ծաղկավաճառները շատ են։

Նշենք, որ Ռոսսելխոզնադզորը հայտնել էր, որ 2025 թվականի հունիսին Հայաստանից Ռուսաստան մատակարարված ծաղիկների 80 խմբաքանակներից 78-ում խախտումներ են եղել։ Ընկերությունը լուրջ մտահոգություն էր հայտնել Հայաստանից կտրտված ծաղիկների ներկրման ծավալների կտրուկ աճի և բույսերում կարանտինային օբյեկտների հայտնաբերման պարբերական դեպքերի կապակցությամբ։

«Մեզ մոտ ծաղիկ աճեցնելու կուլտուրան ընդլայնվել է, բավականին մեծ տարածքներով, հեկտարներով ծաղկի ջերմոցներ կան, ու դրանք ամբողջությամբ պետք է ստուգվեն՝ ըստ ռուսական կողմի պահանջի և նաև մեր ապահովության համար, որ հասկանանք՝ որտեղ և ինչ խնդիրներ կան։ Գործընթացը բարդ է, ժամանակատար, մեծ ջանքեր պահանջող, բայց մեկնարկը տրված է»,-նշեց Հարությունյանը։

Նա տեղեկացրեց, որ ռուսական կողմը շարունակում է մասնակցել տեսազանգի ձևաչափով, բայց սպասվում է ռուս մասնագետների այցը ՀՀ։

«Մենք ստուգումներն անում ենք, ցուցումներ տալիս՝ որտեղ և ինչ է պետք ուղղել․ նախևառաջ դրանք կապված են ծաղկի որակի և անվտանգության հետ, կարանտին վնասատու օրգանիզմներ չպետք է լինեն։ Եթե դրանք լինեն, ռուսական կողմը հերթական անգամ կարգելի ներմուծումը»,- նշեց Հարությունյանը։

Նյութն ամբողջությամբ՝ arm.sputniknews.ru

Այս թեմայով Լավ գիտեն՝ Նիկոլը մարսողը չի. Ինչից են վախեցած Սարգսյանները ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով «Փաստ». ՔՊ-ի հեռացումը ոչ թե էմոցիոնալ ցանկություն է, այլ իրատեսական խնդիր Ռուսաստանը շատ ավելի ազդեցիկ է, քան Ադրբեջանն ու Թուրքիան, հետևաբար Ռուսաստանի հետ ևս պետք է զգույշ լինել Դավիթ Իշխանյանի ուղերձը , հենց ցեղասպանության ենթարկվող անձի հայի ոգեղենություն պահելու խնդրանքն էր