Հրաչ Քեշիշյանը՝ «Սիմֆոնիկ Հայկո» համերգի մասին

Օգոստոսի 31-ին, Գառնի պատմամշակութային արգելոց թանգարանում կկայանա «Սիմֆոնիկ Հայկո» խորագրով համերգը՝ նվիրված սիրո հավերժ երգչի՝ Հայկոյի հիշատակին:

«Գլուխներս բարձր կարող ենք ասել, որ Հայկոյի ստեղծագործություններն արժե փոխանցել հաջորդ սերունդներին:

Հիմնադրամի ֆոնդը դեռևս չունի այնպիսի հզորություն, որ կարողանա անել շատ մեծ ծրագրեր, բայց մենք մեծ հույս ունենք, որ ֆոնդը մի օր կդառնա նաև ուսուցողական հարթակ, կունենա այնքան ֆինանսական և ռեսուրսային հզորություն, որ կկարողանա իր շուրջ հավաքել երիտասարդ ստեղծագործողների, իրականացնի դասընթացներ: Դանդաղ, բայց առանց ֆանատիզմի գնում ենք առաջ»,- Առաջին ալիքի եթերում նշել է «Հայկո Հակոբյան» հիմնադրամի հոգաբարձուների խորհրդի անդամ, ռեժիսոր Հրաչ Քեշիշյանը:

Անդրադառնալով «Սիմֆոնիկ Հայկո» խորագրով արդեն թվով 2-րդ համերգին՝ ռեժիսորը նշել է, որ գեղեցիկ աստղաբույլ է հավաքվելու, ինչպես նաև կերգեն նոր, երիտասարդ սերնդի ներկայացուցիչներ:  Համերգին մասնակցելու են Էրիկ Կարապետյանը, Սոնա Ռուբենյանը, Մաշա Մնջոյանը, Սյուզաննա Մելքոնյանը, Բրյունետը, Սեդա Սեյրանյանը, Ներսես Ավետիսյանը, Լիպարիտ Ավետիսյանը, Մարիո Ստեֆանո Պիետրոդարկին և այլք: Երեկոյի ընթացքում հանդես կգա Հայաստանի պետական սիմֆոնիկ նվագախումբը (գեղարվեստական ղեկավար և գլխավոր դիրիժոր՝
Սերգեյ Սմբատյան): Համերգի ժամանակ սպասվում է երգի պրեմիերա:

Այս թեմայով Ինձ համար առանձնահատուկ տեղ ունի նրա կերտած Գարեգին Նժդեհի կերպարը, դա պարզապես դեր չէր, դա առաքելություն էր. Հրաչ Քեշիշյան Տարահանվելու կամ երկրից դուրս գալու ցանկություն չկա․Նոր մանրամասներ Թեհրանի հայ համայնքից TRIPP-ի կյանքի կոչվելը որեւէ կերպ չի կարող սպառնալ Իրանի անվտանգությանը. Իրանահայ խմբագիրը մանրամասներ է ներկայացնում Իրանի համար որոշակի ցցուն անակնկալ նորություն չկա. Իրանահայ խմբագիրը՝ Հայաստանը Եվրամիությանը անդամակցելու գործընթացի վերաբերյալ Իրանն իրեն դավաճանված է զգում. Իրանահայ հայտնի խմբագիրը բացահայտում է Իրանի առաջիկա քայլերը