Շնորհակալ ենք. Վարդան Ղուկասյանը հարազատի նման կանգնեց 20-րդ դարի գաղթի ճանապարհով անցած արցախցի ընտանիքը կողքին

«Իրավունքը» շարունակում է իր ուշադրության կենտրոնում պահել Արցախից բռնի տեղահանված, մեկ օրում անցյալը կորցրած, տնավեր ու բնավեր դարձած, 20-րդ դարի գաղթի ճանապարհով անցած արցախցի մեր հայրենակիցների խնդիրները։

Երեկ տեղեկացանք, որ գաղթի դաժան ճանապարհը հաղթահարած արցախցի 90-ամյա Միշա պապը, ով թոշակառու դստեր հետ բնակություն էր հաստատել (վարձակալած բնակարանում) Գյումրի քաղաքում երկրային կյանքին հրաժեշտ է տվել։ 62-ամյա դուստրը, բառի ուղիղ իմաստով, կանգնել էր դաժան խնդրի առաջ.«Հայրիկիս անշնչացած մարմինը գետնին էր մնալու, եթե վարկյանների ընթացքում իմ կողքին հարազատի նման չկանգներ Գյումրու քաղաքապետ Վարդան Ղուկասյանը»,-արցունքները խեղդելով պատում է միակ հարազատին կորցրած Զաբելա Ավագյանը:
Եվ իրապես, Վարդան Ղուկասյանը տեղեկանալով այս կնոջ դաժան ճակատագրի մասին, առանց մեկ վարկյան հապաղելու իր վրա վերցրեց ոչ միայն հոգեհանգստի եւ հուղարկավորության ողջ ծախսերը, այլ պատրաստակամություն հայտնեց իր ուժերի ներածին չափով հետագայում եւս կարեկից լինել հայրենիքից զրկված արցախցի կնոջ հոգսերին։
Վարդան Ղուկասյանը մեկ անգամ եւս ապացուցեց, որ իր համար Մարդ արժեքը վեր է ամեն բանից։

Շնորհակալ ենք Ձեզ պարոն Ղուկասյան, սատար լինելու արցախցի մեր հայրենակցին, եւ պատրաստակամություն հայտնելու արժանավայել ճանապարհելու Արցախը սրտում մահացած 90-ամյա պապիկին դեպի հավերժություն։

Այս թեմայով Ucom-ի աջակցությամբ AI տեսախցիկ է տեղադրվել բնության պահպանության համար Նման նշանները վկայո՞ւմ են խոշոր պատերազմի մոտենալու մասին (Տեսանյութ) Մակրոնը Թրամփի հետ պայմանավորվել է «լուրջ բանակցություններ սկսել» Ուկրաինայի հարցով Մերցի կուսակցությունը պարզապես չի գոյատևի մինչև «Ռուսաստանի հետ պատերազմը» Երբ կարող է տեղի ունենալ ԱՄՆ-ի հաջորդ խոշոր հարձակումը Իրանի վրա