«Ղրիմի բարեկամներ» հայաստանյան ակումբը դիմել է ՌԴ նախագահին ու առաջադեմ մարդկությանը օկուպացված Արցախում պատմամշակութային ու հակաքրիստոնեական ցեղասպանությունը կասեցնելու խնդրանքով

«Ղրիմի բարեկամներ» հայաստանյան ակումբը խստիվ դատապարտում է  ադրբեջանական նացիստների հերթական բարբարոսությունը  օկուպացված Արցախում, որի արդյունքում քանդվեց ռուսաստանյան` ազգությամբ հայ,  աշխարհահռչակ ծովանկարիչ Իվան (Հովհաննես) Այվազովսկու արձանը: Ընդ որում, այդ բարբարոսությունը կատարվել է հատուկ` վայրի ցեղերին բոնորոշ այլասեռվաությամբ, մեծ ծովանկարչի ծննդայան օրը` հուլիսի 29-ին:

Ադրբեջանի նացիստական իշխանությունները  Արցախում բնիկ հայ ժողովրդի  բռնի դեպորտացիայից հետո  իրականացնում են  հայ ժողովրդի թողած պատմամշակութային ու քրիստոնեական ժառանգության բնաջնջումը: Ոչնչացվում են  արձաններ, հուշակոթողներ, եկեղեցիներ, դամբարաններ, Մեծ հայրենական պատերազմի հերոսներին նվիրված հուշարձաններ, խաչքարներ, գերեզմանոցներ:

Սակայն այս անգամ Ալիեւի  մոլուցքը ուղղված է նաեւ  ռուս մեծ մշակույթի դեմ եւ հանդիսանում է վերջին շրջանում Ադրբեջանի բացահայտ հակառուսական քաղաքականության անմիջական շարունակությունը, որի արդյունքում լկտի հարվածներ հասցվեցին ռուսական լրատվամիջոցներին, մշակութային հաստատություններին եւ անգամ ՌԴ  շարքային քաղաքացիներին: Հիշեցնենք, որ  Իվան Այվազովսկու արձանը  տեղադրվել էր Արցախի ռուս  համայնքի  եւ  Լեռնային Ղարաբաղում ռուսական խաղաղապահների նախաձեռնությամբ:

Այս վայրագությունը ուներ նաեւ  որպես թիրախ` Ղրիմի Հանրապետության իշխանություններին եւ ազգաբնակչությունը, որտեղից են Իվան Այվազովսկու արմատները եւ որտեղ մեծ ծովանկարչին պաշտում են յուրքանչյուր քաղաքում ու գյուղում ` իր մեծ ներդրումներ համար, որոնք նա կատարել է Ղրիմի զարգացման ու բարեկեցության համար: Հավանաբար դրանով Ալիեւը  փորձում է հաճոյանալ իր ուկրաինական գաղափարակիցների ու եվրոմիության  ու Անգլիայի տերերի մոտ չբավարարվելով իր բազմաթիվ հայտարարություններով, թե չի ճանաճում Ղրիմի ժողովրդի ազատ ինքնորոշումը եւ  Ռուսաստանի կազմ վերադառնալը:

Ազգային մշակույթի դեմ  արշավանքը  Ալիեւը  կրկնօրինակել է իր գաղափարակից եղբայր Ուկրաինայի արյունոտ կառավարիչ  Զելենսկուց, որը  Ուկրաինայում ոչնչացնում է բազմաթիվ հուշարձաններ, որոնք առնչվում են  ռուսական  կամ խորհրդային տարիների  մեծ մշակույթի հետ: Այնտեղ քանդվել են Վիսոտցկու, Պուշկինի, խորհրդային բանակի մեծանուն  հրամանատարների, Մեծ հայրենական պատերազմին նվիրված հուշարձաններ եւ անգամ եղբայրական գերեզմաններ:

Նացիզմի այսպիսի բարբարոս  ու այլանդակ դրսեւորումները եւս  մեկ անգամ ապացուցում են նացիզմի գաղափարախոսության այլասերվածության եւ հակամարդկային բնույթի էությունը:

Ալիեւը երեւակայել , որ կարող է  անընդհատ եւ ամենալկտի կերպով  խախտել  միջազգային իրավունքը, համամարդկային բարոյականության նորմերը, տարածել ազգային խտրականություն ու ատելություն: Հավանաբար իր անպատժելիության մեջ  համոզմունքը  նրա մոտ առաջացրել է  Ուկրինայում  ռուսական մշակույթի ու Ռուս ուղղափառ եկեղեցու դեմ կատարած  զանգվածային հնացագործությունների հանդեպ եվրոպական երկրների  լռելյալ, իսկ երբեմն նաեւ բացահայտ աջակցությունը: Սակայն վստահ ենք, որ ինչպես Երկրորդ համաշխարհային պատերազմի արդյունքում, այդպես էլ այժմ նացիզմը աշխարհում կրելու կործանարար պարտություն, իսկ նացիզմի պարագլուխները ստանալու են իրենց արժանի պատիժը:

Մենք դիմում ենք Ռուսաստանի Դաշնության  մեծարգո նախագահ Վլադիմիր Պուտինին, խնդրելով կասեցնել  Արցախում ռուս եւ հայ ժողովուրդների պատմամշակութային արժեքների ու քրիստոեական  քաղաքակրթության հուշարձանների բարբարոսական ու զանգվածային ոչնչացումը:

Մենք դիմում ենք նաեւ աշխարհի բոլոր  առաջադեմ քաղաքական, հասարակական ու պետական գործիչներին, կազմակերպություններին, մշակույթի  ասպարեզի գործիչներին իրենց ձայնը բարձրացնել օկուպացված Արցախում պատմամշակությաին ու հակաքրիստոնեական ցեղասպանությունը դադարեցնելու համար:

«Ղրիմի բարեկամներ» միջազգային շարժման համակարգող խորհրդի փոխնախագահ, հայաստանյան ակումբի նախագահ Հայկ Բաբուխանյան

Այս թեմայով «Ալ Արաբիա». ԻՀՊԿ-ի փորձագետները ժամանել են Բաբ էլ-Մանդեբի նեղուցի հատված՝ պաշտպանական համակարգեր կառուցելու համար Իրանը խոշոր ուժեր է տեղակայել բոլոր սահմաններում՝ հնարավոր ցամաքային հարձակումը հետ մղելու համար Կոպիրկինը շնորհակալություն է հայտնել ՀՀ-ին՝ Պետդումայի ընտրությունների ընթացքում անվտանգությունն ապահովելու համար ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար