«Հրապարակ». Աշխատանքի ներկայանալ կոստյումով եւ չծխել․ ՀԵՑ-ի նոր ղեկավարներն ինքնահաստատվում են

«Հրապարակ»-ը գրում է.

««ՀԵՑ»-ի գլխավոր տնօրենի տեղակալ, անվտանգության եւ վերահսկողության նորանշանակ տնօրեն Դավիթ Սարգսյանը իր աշխատանքային գործունեությունը սկսել է դրեսկոդ սահմանելով: Սամվել Կարապետյանից «ՀԵՑ»-ը խլելուց հետո նոր ղեկավարությունը փորձում է աշխատակազմին ցույց տալ, որ իրենք են այլևս այս հիմնարկում «ասողը»և ավելի լավ բան չեն կարողացել մտածել, քան դրեսկոդ սահմանելով ինքնահաստատվելը:

Դավիթ Սարգսյանը կենտրոնական գրասենյակի բաժնի պետին եւ բարձր պաշտոն զբաղեցնող աշխատակիցներին ուղղված մի զավեշտալի հայտարարություն է տարածել. «Այսուհետ անհրաժեշտ է աշխատանքի վայր ներկայանալ կոստյումով»: Կոստյումով ներկայանալուց բացի «ՀԵՑ»-ի աշխատակիցներին զգուշացրել են՝ աշխատասենյակներում չծխել, այլապես կենթարկվեն պատասխանատվության «Համաձայն «ՀԵՑ» ՓԲԸ ներքին կարգապահական կանոնների 4․1․18 կետեի պահանջներին ՝ ծխախոտ օգտագործել միայն՝ ընկերության բաց եւ (կամ) փակ տարածքներում ծխելու համար հատուկ հատկացված գոտիներում՝ ներառյալ ընդմիջումների ժամանակ հստակ կերպով առանձնացված ծխելու գոտիներում, աշխատասենյակներում ծխելը խստիվ արգելվում է։ Վերոգրյալ խախտումներ թույլ տված անձինք կենթարկվեն կարգապահական պատասխանատվության»,-գրված է հայտարարության մեջ։ ՀԵՑ-ի աշխատակիցներին «կոստյում պարտադրելն, այն էլ այս ամառվա շոգին, իսկապես զավեշտալի է՝ հատկապես պայմանավորված այն հանգամանքով, որ «ՀԵՑ»-ի գործունեության բնույթը տեխնիկական է, այստեղ ոչ դիվանագետներ են աշխատում, ոչ չինովնիկներ:

Ռոմանոս Պետրոսյանը երեւի մտադիր է նման մանիպուլյատիվ ճնշումներով զզվացնել ՀԵՑ-ի աշխատակիցներին, որպեսզի դիմում գրեն եւ ինքնակամ հեռանան աշխատանքից»։

Ամբողջական հոդվածը` սկզբնաղբյուրում:

Տես նաեւ https://t.me/iravunk/55592 

Այս թեմայով «Ժողովուրդ». Լենա Նանուշյանի նոր ձախողումների շարքը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը ՇՏԱՊ. 36-ամյա գործարարին մահացած են գտել. Հրապարակ Մոսկվայում բենզինի վաճառքի նոր սահմանափակում է մտցվել Ռուսաստանի արտաքին քաղաքականության մեջ նոր, եզակի փորձ է սկսում ի հայտ գալ. Փորձագետ