«Կարին» գործողության հիշատակի օրն է. Եռաբլուրն՝ այսօր

1982թ. օգոստոսի 7-ը պատմական «Կարին» գործողության հիշատակի օրն է: Այդ գործողությունը իրականացրեցին ASALA-յի (Armenian Secret Army for the Liberation of Armenia), կամ հայերեն` ՀԱՀԳԲ-ի (Հայաստանի Ազատագրության Հայ Գաղտնի Բանակ) «Խրիմյան Հայրիկ» մահապարտների ջոկատի անդամները:

 

Այդ օրը` Անկարայի «Էսեմբողա» օդանավակայանի ոստիկանատան բաժանմունքի վրա կատարած հարձակումի ժամանակ ծանր վիրավորվեց եւ ուշագնաց վիճակում գերի ընկավ Լեւոն Էքմեքչյանը, ում ամիսներ անց` 1983թ. հունվարի 29-ին, թուրքերը Անկարայի «Մամաք» բանտում կախաղան հանեցին:

 

Նույն գործողության ընթացքում, երբ զինամթերքը սպառվել էր, ինքնասպան եղավ ջոկատի հրամանատար Զոհրապ Սարգսյանը, ով վերջին փամփուշտը պահել էր իր համար:

 

Այսօր առավոտյան Լեւոն Էքմեքչյանի հարազատներն ու բարեկամները Ֆրանսիայից այցի եկան Եռաբլուր` ASSALA-յի հուշահամալիր, եւ վարդեր խոնարհեցին Լեւոնի, Զոհրապի եւ մյուս նվիրյալների շիրմաքարերին...

 

Հիշատակն արդարոց օրհնությամբ եղիցի...