Այս կարգի պառակտված ընդդիմություն մենք 30 տարվա մեջ չենք ունեցել. Լեւս Դավթյա

Կալանավորված են սրբազաններ եւ հանրային դեմքեր, ովքեր «հանդգնել էին» կանգնել Հայ Առաքելական Սուրբ եկեղեցու կողքին եւ ի պաշտպանություն հանդես գալ: Այս ֆոնին երկրի վարչապետի աթոռը զբաղեցնող անձը մեկնեց հանգստի եւ նույնիսկ արձակուրդում գտնվելով՝ հայտարարեց, թե Վեհափառի դեմ արշավ է սկսելու: Այս եւ այլ հարցերի շուրջ «Իրավունք»-ը զրուցել է Կապանի դրամատիկական թատրոնի դերասան ԼԵՎՍ ԴԱՎԹՅԱՆԻ հետ:

— Ինչպե՞ս կմեկնաբանեք իշխանության նման պահվածքը Եկեղեցու դեմ, որի համատեքստում, ըստ էության, կալանավորված են նաեւ բարձրաստիճան հոգեւորականներ:

— Ամեն ինչ «համաչափ է», որովհետեւ երբ հրապարակում մարդիկ լեփ-լեցուն էին, ուղարկեցին տուն: Այ, որ 1 ժամ ժամանակ տալուց հետո՝ կոնկրետ քայլերի գնային, այս օրին չէիք հասնի: Չգիտեմ՝ ինչին էին սպասում, բայց սա իրենց սպասումների պատասխանն է:  Իսկ Էլ ի՞նչ ինստիտուտի վրա են հարձակվել, որ չեն մարսել: Բոլորը ստատուս կգրեն, կմեկնաբանեն, կանցնի կգնա, դա էլ կմոռացվի: Պետք է սպասել ավելի մեծ արհավիրքների:

— Պարոն Դավթյան, իրո՞ք, կարծում եք՝  ինչ անում, ինչ ասում է այս իշխանությունը՝ մարսո՞ւմ է:

— Դե հա, բոլոր սահմաններին, «չի կարելի» տեղերին կպել են եւ մարսվել, գնացել է: Ինչ-որ կոմպրոմիսի են գնացել կամ լռեցրել են: Հավանաբար, ավելի կարեւոր բաներ կան ոմանց համար, որ վախենում են կորցնեն, դրա համար էլ ոչ մեկ չի ցանկանում այսօր «վա բանկ» գնալ:

— Ասում են՝ Փաշինյանը կալանավորում է բոլոր նրանց, որոնցից վախ ուներ, որ կարող են քաղաքական լայն ընդվզում գեներացնել փողոցում: Այսպես ասած՝ դրանով կանխել է պոտենցիալ ունեցողների հնարավոր գործողությունները:

— Որ չեն ասում՝ վախենում էր.... Ախր ինչի՞ց էր վախենում: Ինչո՞ւ, Փաշինյանից անվախ մարդ կա՞ այս երկրում: Ումի՞ց պիտի վախենա: Եթե իշխանափոխություն նկատի ունեն, ասեմ, որ հենց հիմա ամենանպաստավոր պայմաներն են այն իրականացնելու: Հարցն այն է, որ ոչ մեկ չի ցանկանում ու դրա համար ինչ ասես հորինում են, թե իբր՝ Նիկոլը վախենում է: Ոչնչից էլ չի վախենում, ապացույցն իր քայլերն են, որ ինչ ուզում, անում է: Երեք նախագահներից, որեւիցե մեկը իր արածի կեսը աներ, հիմա չգիտեմ՝ ժողովուրդն ու ընդդիմությունը ինչ կաներ նրանց: Կարող է մնացածն են վախնում, բայց Նիկոլին են վերագրում:

— Լավ էլ ի՞նչ պիտի անի Նիկոլ Փաշինյանը, որ ժողովուրդը ոտքի կանգնի:

— Ժողովուրդը՝ ինքն իրենով չի կարող ոտքի կանգնել՝ անտեր, անգլուխ: Բազմիցս ասել եմ՝ այս քարկապը բացելու միակ ձեւը պետք է լինի, որ բոլորն, ովքեր համաձայն չեն այս իշխանության վարած քաղաքականության հետ, միանան: Հիմա ՔՊ-ն ավելի միավորված է, քան այն ընդդիմադիրները, որոնք ազնիվ մղումներ ունեն: Այս կարգի պառակտված ընդդիմություն մենք 30 տարվա մեջ չենք ունեցել: Մեկը զբաղված է իմպիչմենթի թեմայով, մյուսն՝ այն չընդունելով: Այդպես լավ չի, մի հատ էլ դատի տվեք, կարող է, օրինակ, դատեն: Ուզում են իմանան իշխանափոխություն ինչպես են անում, թող վերանայեն ու տեսնեն, թե Նիկոլն ինչպես արեց:

ՆԱՆԱ ՍԱՐԳՍՅԱՆ

Այս թեմայով Ադրբեջանը վերադառնում է ռուսական գազին, կամ Երևանի հերթական սխալ հաշվարկը. Վահե Դավթյան Բավական շատ կարեւոր հարցեր կան, քան Ղրիմի մասով դիրքորոշում ունենալ այս պահի դրությամբ․ Դավթյան Երբ Փաշինյանի հետ լուսանկարը «մեղք» է, իսկ նրա գովքը՝ «հումոր» Լարսի արդիականացումն առանձնահատուկ նշանակություն է ստանում․ Վահե Դավթյան «Կյանքիս ամենալուսավոր նորությունը»․ դերասան Լևս Դավթյանն ու կինը սպասում են իրենց առաջնեկին