Հայկ Նահապետի արձանի հարակից տարածքում նշվեց Նավասարդի տոնը

Օգոստոսի 11-ին Հայկ Նահապետի արձանի հարակից տարածքում նկարչուհի, խեցեգործ, Երևանի Գառնիկ Ադդարյանի անվան թիվ 133 դպրոցի կերպարվեստի ուսուցչուհի Վարդուհի Ուզունյանի նախաձեռնությամբ՝ նշվեց Նավասարդի տոնը:

Իր խոսքում Ուզունյանն ընդգծեց, որ Տիտանյան Բելին հաղթելով՝ Հայկ Նահապետը ստորագրեց Հայկական լեռնաշխարհի տիրոջ հայի կարգավիճակը: Հայկ Նահապետը, ըստ նրա, ոչ միայն պատմական անձ է, այլև հայի հավաքական կերպար, արեգակնային անշարժ տոմար՝ իր 12 ուստրեր-դուստրերով, տիեզերագիտություն, աշխարհագրություն, մշակույթ, էթնոս, գենետիկա, դիվանագիտություն, կանոնավոր բանակ, պետականություն: Պատմական Հայաստանի Ուտիք, Արցախ և Սյունիք ռազմական նահանգներում մինչև 1920-ական թվականներն Ամանորը նշվել է օգոստոսի` Նավասարդի 11-ին։

Խոսքի ավարտին Ուզունյանը մաղթեց բոլորին ունենալ նախնիներին խնկարկելու պատրաստակամություն, սեփականատիրոջ բնական կարողություն ընտանիքի, ցեղի, հայրենի հողի հանդեպ, պատրաստ լինել արարելու գենոֆոնդային հսկաների, շնորհակալ լինել Հայ Առաքելական Եկեղեցուն մեր նախնյաց գիտելիքները սրբորեն պահելու և փոխանցելու համար ինչպես նաև առաջնակարգել բովանդակությունը, իսկ ձևը բովանդակության հետ ներդաշնակելու կարողություն ունենալ:

Այնուհետև ելույթ ունեցով Երևանի Աշոտ Նավասարդյանի անվան համար 196 հիմնական դպրոցի տնօրեն Անուշ Նավասարդյանը, ով ընդգծեց Նավասարդի տոնն ըստ պատշաճի նշելու կարևորությունը: Միջոցառման ընթացքում եղան ազգային պարեր, մարզական համարներ, հյուրասիրություն:

Այս թեմայով Հաջորդը լինելու է ստամբուլյան կոնվենցիան․ Հայկ Այվազյան Նիկոլի ռեպրեսիաների խորապատկերում՝ համախմբման նոր փորձ ՈՒՂԻՂ. Համախմբվում են որ ի՞նչ անեն․ Հայկ Բաբուխանյան Ուզում եք հարցը ջրել, ստեղծեք հանձնաժողով․ Հայկ Նահապետյան ՈՒՂԻՂ․ Ինչու իրար ծեծեցին ուժեղներն ու դուխովները․ Հայկ Բաբուխանյան