Եվրոպական մեծ դեսանտ է իջնելու Վաշինգտոնում` Զելենսկուն օգնելու համար

ԵՄ առաջնորդները թռչում են Վաշինգտոն՝ Ուկրաինայի շուրջ բանակցություններին միջամտելու համար, եթե, իհարկե, կարողանան միջամտել:

Երկուշաբթի օրը Թրամփը և Զելենսկին կհանդիպեն: Նրանց հետ միասին.
— Գերմանիայի կանցլեր Ֆրիդրիխ Մերցը,
— ՆԱՏՕ-ի գլխավոր քարտուղար Ռյուտեն,
— Եվրոպական հանձնաժողովի նախագահ Ուրսուլա ֆոն դեր Լեյենը,
— Մեծ Բրիտանիայի վարչապետ Կիր Ստարմերը,
— Ֆրանսիայի նախագահ Էմանուել Մակրոնը,
— Իտալիայի վարչապետ Ջորջիո Մելոնին,
— Ֆինլանդիայի նախագահ Ալեքսանդր Ստաբը։

Sky News-ը նաև նշում է, որ Զելենսկին Վաշինգտոնում կդիմավորվի առանց արարողությունների կամ կարմիր գորգի։ Կարելի է ավելացնել. եվրալիդերները եւս կարմիր գորգ չեն տեսնելու: Էլ չասած, որ, ինչպես Ալյասկանում Պուտինին, Վաշինգտոնում այդ մեծ խմբին կամ նրանցից որեւէ մեկին Թրամփն օդանավակայանում չի դիմավորի:

Ամերիկյան տեղյակ աղբյուրներից մեկն այս կապակցությամբ գրում է. «Նախապես Թրամփը պատրաստվում էր հանդիպել միայն Զելենսկու հետ եւ նրան ապագա հնարավոր սցենարները նկարագրելով, կպարտադրի ընդունել առաջարկվող տարբերակը: Բայց հետո որոշեց, որ հանդիպմանը կհրավիրի նաեւ եվրաառաջնորդներին, եւ դա իմաստ ունի:

Հիմա կստացվի նախ նման պատկեր. Թրամփը, նախ խոսելով Զելենսկու հետ, այնուհետեւ կհավաքի բոլորին եւ նրանց առաջ կդնի երկու տարբերակ: Առաջինն այն է, որը քննարկել է Պուտինի հետ: Երկրորդ` դրա մերժման տարբերակը: Այն է, եթե որոշեն մերժել, ապա եվրոպացինեը հենց տեղում պետք է ներկայացնեն իրենց հետագա քայլերը: Բացի այդ, Թրամփի ներկայությամբ պաշտոնապես պարտավորություն կստանձնեն, որ Կիեւին կտրամադրեն ողջ անհրաժեշտ օգնությունը, ինչքան էլ, որ դա մեծ կամ երկարաժամկետ լինի: Նաեւ. եթե խոստանան ու ինչ որ պահի նանցից մեկը խոստումը չկատարի կամ թերի կատարի, ապա Թրամփը, ինչպես որ պատրաստվում է այս հանդիպմանը զգուշացնել, դա կհամարի ԱՄՆ-ի իրատեսական ծրագրերի դիտավորալ ձախողում` անիրատեսական խոստումներ տալով: Ու դրանից կառաջանա կոնկրետ մեղավորին պատժելու հարցը: Ինչն ամեն մի եվրոպական լիդերի համար շատ լուրջ փակուղի է, եթե հանկարծ որոշի մերժել Թրամփի առաջարկը: Սա հասկանում է «եվրադեսանտի» ամեն մի անդամ: Բայց նաեւ` Վաշինգտոն գնալուց որեւէ մեկը չի հրաժարվել, քանի որ մյուսները կարող են համարել դավաճան:

Եվ երկրորդը. Թրամփը հասկանում է, որ որքան էլ Զելենսկուն ճնշի եւ նա խոստանա ստորագրել, մեկ է, վերադառնալուց հետո կապի է դուրս գալու եվրոպացիների հետ, որոնք էլ իրենց հերթի Կիեւի վրա ազդելու լուրջ լծակներ ունեն: Ու հիմա, եթե եվրաառաջնորդներն իր ներկայությամբ չհանդգնեն բերանները բացել, ապա վերադառնալուց հետո Զելենսկուն ճնշելու հավանականությունը էապես նվազելու է»:

Այս թեմայով «Ալ Արաբիա». ԻՀՊԿ-ի փորձագետները ժամանել են Բաբ էլ-Մանդեբի նեղուցի հատված՝ պաշտպանական համակարգեր կառուցելու համար Իրանը խոշոր ուժեր է տեղակայել բոլոր սահմաններում՝ հնարավոր ցամաքային հարձակումը հետ մղելու համար Կոպիրկինը շնորհակալություն է հայտնել ՀՀ-ին՝ Պետդումայի ընտրությունների ընթացքում անվտանգությունն ապահովելու համար Քվեարկողների շատ մեծ հոսք է, հայկական կողմն ապահովում է անվտանգությունը. ՀՀ-ում ՌԴ դեսպան ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն