ՍԻՄ-ը շնորհավորում է իր ամենատարեց անդամի դարը բոլորած տարեդարձը

«Սահմանադրական իրավունք միություն» կուսակցությունը շնորհավորում է իր ամենատարեց անդամի՝ ՆԵՐՍԵՍ ՍԻՄՈՆՅԱՆԻ ծննդյան 101-ամյակի առթիվ։

Նրա կյանքի ուղին ոչ միայն պատիվ է ՍԻՄ կուսակցության համար, այլեւ՝ օրինակելի էջ հայ ժողովրդի պատմության մեջ։ Ներսես Սիմոնյանն իր ողջ կյանքը նվիրել է Հայրենիքի պաշտպանության սուրբ գործին, իսկ հետո՝ կրթությանը, սերունդների դաստիարակությանը։ Իր կյանքի ամեն փուլը համադրելի է հերոսության, նվիրումի ու մարդկային մեծության բարձրագույն չափանիշներին։

Պատերազմի դաշտում Ներսես Սիմոնյանը եղել է այն մարդկանցից, ում անձնական ողբերգություններն ու անձնուրաց պայքարը դարձել են մեր ժողովրդի հաղթանակի հենասյուներից մեկը։ «Յոթ համադասարանցիներով էինք ռազմաճակատում: Այդ յոթից չորսը զոհվեցին Նովորոսիյսկում, երկուսս վիրավոր ետ դարձանք, միայն մեկը հասավ Բեռլին...» – այս խոսքերով է Ներսես Սիմոնյանը հիշեցնում, թե ինչ գին է վճարվել խաղաղության համար։

Նրա կենսագրությունը ոչ միայն անցյալի մասին վկայող վավերագիր է, այլ նաեւ ապագային ուղղված պատգամ։ Ներսես Սիմոնյանի օրինակով սերունդներին փոխանցվում է ոչ միայն խիզախություն, այլ նաեւ ազնվություն, հավատ, ողջախոհություն եւ լավատեսություն։ Ինչպես ինքն է ասում. «Լավատեսությունն առհասարակ պետք է մարդուն»։

Եվ, իսկապես, Ներսես Սիմոնյանն իր ողջ կյանքում եղել է լավատեսության կրողը՝ նույնիսկ ամենադաժան ժամանակներում։ «Հիմա էլ խելացի, լավ երեխաներ կան, բայց անպետքներ էլ կան… Ներկա սերնդին նույնպես պետք է լավ գնահատական տալ», - նշում է Ներսես պապը:

Սիրով ենք հիշում, թե ինչ հպարտությամբ եւ արժանապատվությամբ է նա պատմում իր մասնակցության մասին Մոսկվայի Կարմիր հրապարակում կայացած վերջին զորահանդեսին. «Ես ու մի քանի վետերաններ նստել էինք երկրորդ շարքում։ Իմ դիմաց նստած էր Բելառուսի նախագահ Ալեքսանդր Լուկաշենկոն։ Երբ ավարտվեց ողջ միջոցառումը, Վլադիմիր Պուտինը մոտեցավ եւ ձեռքով բոլորիս ողջունեց»։

Ներսես Սիմոնյանի ներկայությունը ՍԻՄ-ում՝ որպես ամենատարեց անդամ, իսկապես մեծ հպարտություն է կուսակցության համար։ Նրա ապրած ուղին,  դիրքորոշումները եւ ազնիվ խոսքը՝ իր ամեն հարցազրույցում, որոնք հաճախ տեղ են գտնում «Իրավունք» թերթի էջերում, մեր ժողովրդին ու հատկապես երիտասարդությանը պարգեւում են գիտակցում, թե ով է հերոսը, ինչ արժեք ունի անցյալը եւ ինչպես է կառուցվում արժանապատիվ ապագա։

Ցանկանում ենք նրան քաջառողջություն, հոգու խաղաղություն ու լուսավոր օրեր։ Թող իր լուսավոր օրինակն ապրի հայ ազգի մեջ ամեն օր՝ որպես սերնդից սերունդ փոխանցվող խորհուրդ, որպես ներշնչանքի ու արժանապատվության նշաձող։ 

Այս թեմայով ՔՊ-ի կեղտոտ սպիտակեղենը փռել են արեւին Հայկ Սարգսյանն ասեց՝ պապայի ընկերն ա, կարա՞ գա. Սիմոնյանը մանրամասներ է պատմում քրեական հեղինակության հետ հանդիպումից Մոսկվայում Հայկ Սարգսյանի բերած մարդը սադրեց, կոնֆլիկտ եղավ, քաշեց ձեռքիցս, բղավեցի վրան Գանձասարի դեպքով Հաջիևի հետ խոսել եմ, ինքն իմ համարն ունի, ես իրենը, ամեն ինչին չենք արձագանքելու, Ալեն Սիմոնյանը թվերի հետ էլ խնդիր ունի՞, թե՞ մոռացել է որ գումարման ԱԺ նախագահն էր