ՌԴ ՊՆ. Ռուսաստանը և Ուկրաինան ռազմագերիներ են փոխանակել

Օգոստոսի 24-ին Ուկրաինայի տարածքից վերադարձվել է 146 ռուսաստանցի զինծառայող։ Փոխարենը փոխանցվել է Ուկրաինայի ԶՈւ 146 ռազմագերի, հայտնում է ՌԴ ՊՆ-ն։

«Բացի այդ, վերադարձվել է Ռուսաստանի Դաշնության ութ քաղաքացի՝ Կուրսկի մարզի բնակիչներ, որոնք ապօրինի պահվում էին կիևյան ռեժիմի կողմից, և որոնք կտեղափոխվեն տուն», - նշվում է գերատեսչության հաղորդագրության մեջ։

Ներկայումս ռուսաստանցի զինծառայողները գտնվում են Բելառուսի Հանրապետության տարածքում, որտեղ նրանց անհրաժեշտ հոգեբանական և բժշկական օգնություն է ցուցաբերվում։

Բոլոր ռուսաստանցի զինծառայողները կտեղափոխվեն Ռուսաստանի Դաշնություն՝ Ռուսաստանի ՊՆ բժշկական հաստատություններում բուժում և վերականգնում անցնելու համար։

Ռուսաստանցի զինծառայողներին գերությունից վերադարձնելու հարցում մարդասիրական բնույթի միջնորդական ջանքեր են գործադրել Արաբական Միացյալ Էմիրությունները, նշել է ՌԴ ՊՆ-ն։

Այս թեմայով Ռուսաստանը կարող է հարձակվել ՆԱՏՕ-ի անդամ երկրի վրա առաջիկա ամիսներին. Դանիայի պաշտպանության նախարար Մակրոնը հերքեց լուրերը, որ Ռուսաստանը հարձակվելու է որոշ եվրոպական երկրների վրա «Հրապարակ»․ Ռուսաստանը որոշել է վա-բանկ գնալ Ռուսաստանը որեւէ ձևաչափով չի դադարեցնի բանակցությունների ընթացքում ռազմական գործողությունները. Լավրովը։ Ուկրաինան համաձայնել է լիակատար, անհապաղ և անվերապահ հրադադարի. Ուկրաինայի արտգործնախարար