«Ռոսսելխոզնադզոր»-ը պարզաբանել է հայաստանյան բեռնատարների վերադարձի դեպքերը

Ռուսաստանի «Ռոսսելխոզնադզոր» դաշնային ծառայությունը արձագանքել է հայաստանյան արտադրանքով բեռնատարների Հայաստան վերադարձի մասին լուրերին՝ ընդգծելով, որ գերատեսչությունն իր աշխատանքը իրականացնում է պլանային ռեժիմով։ Ինչպես տեղեկացնում է «RBC»-ն՝ «Ռոսսելխոզնադզոր»-ի տվյալներով օգոստոսի 22-24-ն ընկած ժամանակահատվածում Հայաստանից Ռուսաստան է ներկրվել 146 բեռնատար ապրանք, որից 21-ը վերադարձվել է։ Որպես մերժման պատճառ նշվել է ռուսական բուսասանիտարական պահանջներին չհամապատասխանելը։

Ավելի վաղ, ԱԺ ընդդիմադիր «Հայաստան» խմբակցության պատգամավոր Գառնիկ Դանիելյանը հայտարարել էր, թե հարյուրավոր բեռնատարներ Վերին Լարսի սահմանային անցակետում չեն կարողացել մուտք գործել Ռուսաստան՝ «սանիտարական խնդիրների» պատճառաբանությամբ։

ՀՀ էկոնոմիկայի նախարար Գևորգ Պապոյանը պատգամավորի պնդումները որակել է ոչ հավաստի։

Նախարարի տվյալներով՝ միայն օգոստոս ամսին Հայաստանից Ռուսաստան է մուտք գործել 2427 բեռնատար, այսինքն՝ միջինում օրական ավելի քան 101 մեքենա։ Արտահանվող ապրանքների թվում ամենամեծ բաժինն ունեցել են խմիչքները՝ 610 բեռնատար, երկրորդ տեղում մրգերն են՝ 447 մեքենա։

Այս թեմայով Ռոսսելխոզնադզոր․ ՌԴ-ն ավելացրել է ձկան ներմուծումը՝ Հայաստանից մատակարարումները փոխարինելու համար «Ռոսսելխոզնադզոր»-ից հայտնել են, որ Հայաստանը պետք է դադարեցնի ՌԴ արտահանվող ձկան հավաստագրումը Ռոսսելխոզնադզորը սահմանափակումներ է մտցնում Հայաստանից ձկան և ձկնամթերքի արտահանման նկատմամբ Ռոսսելխոզնադզորն արգելել է հայկական պտուղ-բանջարեղենի ներմուծումը Ռուսաստան «Ռոսսելխոզնադզոր»-ն արգելել է 710 կգ քաշով ծովամթերքի ներմուծումը ՀՀ