«Փաստ». Նույնիսկ առաջին դասարանցիներին նվիրված պայուսակներն են իշխանություններին վախեցրել. փորձում են արգելել

«Փաստ» օրաթերթը գրում է. «Սամվել Կարապետյանին կալանավորելով, նույնիսկ Սամվել Կարապետյանի նկարով վահանակները պոկոտելով ու առգրավելով՝ օրվա իշխանություններն ապացուցում են իրենց՝ արդեն զավեշտի հասնող վախերը: Սակայն, մեր տեղեկություններով, այս դեֆորմացված վարքագիծը նոր աստիճանի է հասել:

Ինչպես տեղեկացրել ենք, օրերս «Տաշիր» բարեգործական հիմնադրամը հայտարարեց, որ սեպտեմբերի 1-ին ընդառաջ սկսել է Հայաստանի գյուղական համայնքների առաջին դասարանցիներին նվիրել դպրոցական պայուսակներ՝ անհրաժեշտ գրենական պիտույքներով։ Իհարկե, նման նախաձեռնություններով Սամվել Կարապետյանը հանդես է եկել տասնյակ տարիներ, և այս նախաձեռնությունը նորություն չէ: Սակայն ուշագրավ է, որ այս անգամ նույնիսկ Հայաստանի գյուղական համայնքների առաջին դասարանցիներին հասանելիք նվերներն են իշխանությունները որոշել «ձերբակալել» կամ «կալանավորել»:

Բացի այն, որ իշխանությունները կեղծ տեսանյութեր են տարածում, թե իբր պայուսակներից ու գրենական պիտույքներից 1-2 հրաժարվողներ կան, մեր աղբյուրների փոխանցմամբ, դպրոցների տնօրեններին հանձնարարվել է, որ առավելագույնս խոչընդոտեն, այնպես անեն, որ ծնողները չստանան այդ աջակցությունը: Տեղերում քպական ղեկավարները նույնիսկ այցելում են մարդկանց տներ և համոզում, վախեցնում: Կան նույնիսկ տեղեկություններ, որ գործին միացել է նաև ոստիկանությունը՝ խոչընդոտելով, որ նվերներ տեղափոխող ավտոմեքենաները մուտք գործեն համայնքներ:

Առավել մանրամասն թերթի այսօրվա համարում

Այս թեմայով Գերմանիայում ակտիվորեն քննարկվում է Մերցի հրաժարականի հարցը. Կանցլերը փորձում է դիմադրել Սի Ցզինպինը 10 տարվա ընթացքում առաջին անգամ պետական ​​այցով կժամանի Միացյալ Նահանգներ Դմիտրի Մեդվեդևը իսկապես վախեցրել է եվրոպացիներին. Ուկրաինական գնդապետ Գեւորգ Սուջյանը նորություն ունի ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով