«Ժողովուրդ». Ուր հասավ 1 տոննայից 788 դարձած կոկաինի գործը

«Ժողովուրդ» օրաթերթը գրում է. «Հայաստանի վերջին տասնամյակի ամենախոշոր թմրանյութային գործը՝ 1 տոննա կոկաինի մաքսանենգությունը, փաստացի կանգնել է փակուղու առջեւ։

«Ժողովուրդ» օրաթերթին բացառիկ աղբյուրներից հայտնի է դարձել, որ Քննչական կոմիտեն չի կարողանում ո՛չ գործը ուղարկել դատարան ո՛չ անձանց քրեական հետապնդումը դադարեցնել, քանի որ բավարար ապացույցներ չունեն, իսկ նոր ապացույցներ ձեռք բերելու համար հնարավորություն չկա։

Հիշեցնենք, որ գործի շրջանակում ԱԱԾ-ն տեղեկացրել էր, որ «Մրգենի» ՍՊԸ-ի փաստացի սեփականատերը՝ ԱԺ նախկին պատգամավոր Միհրան Պողոսյանը, ընկերության տնօրեն Լեւոն Աթաջանյանը (ՌԴ քաղաքացի) եւ պահեստապետ Ս.Գ.-ն ներգրավված են եղել նախնական համաձայնությամբ, խմբով, առանձնապես խոշոր չափերով՝ շուրջ մեկ տոննա կոկաին ներմուծելու ու իրացնելու գործընթացում:

Հավելենք, որ «Մրգենի» ՍՊԸ-ն հիմնադրվել է հեղափոխությունից հետո՝ 2018-ի հուլիսի 27-ին, ինչը քաղաքական առումով գործին հավելում է լրացուցիչ ստվեր։

Սկզբում հաղորդվեց՝ մոտ մեկ տոննա կոկաին է հայտնաբերվել, ապա ԱԱԾ տնօրենը ԱԺ-ում հստակեցրեց՝ իրական քաշը 788 կգ է, 42 արկղ, յուրաքանչյուրը՝ 20-25 կգ, որը հաստատվել էր փորձաքննությամբ։ Բայց գործի ճշգրտումը չփրկեց իրավապահ համակարգին իրավական քաոսից։ Այսօր՝ մոտ 1 տարի անց, Քննչական կոմիտեն չունի հստակ ճանապարհ՝ գործը տանի դատարան, թե դադարեցնի հետապնդումը՝ հարված ստանալով քաղաքական եւ հանրային հեղինակության ճակատում»։

Այս թեմայով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Գործը վերաբերում է ենթադրյալ կաշառք տալու և ստանալու դեպքին ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Դավիթ Իշխանյանի ուղերձը , հենց ցեղասպանության ենթարկվող անձի հայի ոգեղենություն պահելու խնդրանքն էր Օրվա ընթացքում արձանագրված թռիչքից հետո Brent  նավթի մեկ բարելի գինը հասավ 104 դոլարի