Ոստիկանությունը՝ Նարեկ Մկրտչյանի եղբոր ձերբակալության մասին

Այս գիշեր Փարաքարում իսկական ամերիկյան մարտաֆիլմ է եղել։ Պարեկային ծառայության աշխատակիցները ձերբակալել են Աշխատանքի և սոցիալական հարցերի նախկին նախարար, ԱՄՆ-ում դեսպան նշանակված Նարեկ Մկրտչյանի եղբորը՝ Մկրտիչ Մկրտչյանին։

Ըստ նախնական տեղեկությունների՝ նրա գրպաններում հայտնաբերվել են երեք փոքր փաթեթավորված փոշենման զանգվածներ։ Բացի այդ, Maserati մակնիշի, 01 WM 808 պետհամարանիշով ավտոմեքենայի ուղևորի ձեռքում եղած պայուսակից հայտնաբերվել է զենք։ Վերջինս փորձել է փախչել և ճանապարհին գցել պայուսակը։

Մկրտիչ Մկրտչյանը տեղում ձերբակալվել է և տեղափոխվել Էջմիածնի ՁՊՎ, իսկ մեքենան տեղափոխվել է տուգանային հրապարակ։ Նրան ուղեկցող անձը ներկայում հետախուզվում է։

ՆԳՆ-ից հաստատում են տեղեկությունը՝ նշելով, որ ուղևորը դուրս է եկել մեքենայից և փախուստի դիմել՝ ճանապարհին նետելով իր մոտ եղած ատրճանակը և փոշենման զանգված պարունակող իրերը։ Միաժամանակ գերատեսչությունը շրջանցում է տարածված տեղեկատվությունը և հայտարարում, որ Մկրտիչ Մկրտչյանի անձնական խուզարկությամբ արգելված որևէ իր չի հայտնաբերվել։

Այս թեմայով Ի՞նչ է «ակնարկում» Չեխիայի դեսպանն իր կարմիր վարդով Որ ուժերն են մասնակցում Կարապետյանի տան հավաքին Նիկոլ Փաշինյանն ուզում է առևտուր անել մեզ հետ. ինչքան պետք է՝ կնստենք, կհելնենք, բայց պետք է սրանց ցույց տանք, որ չենք զիջելու. Նարեկ Կարապետյան Վաղը պետք է կարևոր բան լիներ, մի քանի ժամից կիմանաք, դա են փորձել կանխել․ Նարեկ Կարապետյան Ցվայգն ու ՔՊ-ի ցուգցվանգը․ ԶԱՐՄԱՆՔ