Բանկերը կաշխատեն կրիպտոակտիվներով, եթե քաղաքացին կարողանա բացատրել այդ ակտիվների ծագումը. ԿԲ

Կրիպտոակտիվները բավականին մեծ ռիսկեր են պարունակում, քանի որ ստվերային, անօրինական գործունեություն ծածկելու կամ ֆինանսավորելու հնարավորություն են ստեղծում։ Ազգային ժողովի նիստի ժամանակ այս հայտարարությունն արեց ՀՀ կենտրոնական բանկի նախագահ Մարտին Գալստյանը:

«Թյուր ընկալում կա կրիպտո, ակտիվ, նորարություն, արհեստական բանականություն բառերի մեջ, ու ինչ տերմիններ ասես, որ չեն խառնվում, միախմբվում մի զամբյուղի մեջ, մինչդեռ դրանք տարբեր երևույթներ են, որոնք տարբեր մոտեցումներ են պահանջում։ Ես կարծում եմ, որ այստեղ չպետք է լինել ո՛չ ծայրահեղ օպտիմիստ, ո՛չ էլ պեսիմիստ, այլ պետք է լինել պրագմատիկ ու պետք է հասկանալ` ոնց ենք կառավարում դրանք, որպեսզի նորարարության զարգացմանը զուգակցենք նաև պոտենցիալ ռիսկերի կառավարման մեխանիզմները»,– հայտարարեց նա։

Պատասխանելով բանկերի՝ կրիպտոակտիվներ ունեցող քաղաքացիների հետ աշխատելու հնարավորության մասին հարցին, նա նշեց, որ դա կախված է բանկերի ռիսկի ախորժակից, այդ անձի ունակությունից` բացատրելու այդ ակտիվների ծագումը, թե որտեղից է այդ գումարը գեներացվել ու ինչ գործունեության արդյունքում։

«Եթե կրիպտոն հոսի բանկային համակարգ, ու մենք պատկերացում չունենանք կրիպտոյի ձևավորման աղբյուրի մասին, թե, օրինակ, արդյոք դա Սիրիայում հրթիռների վաճառքի՞ց է գեներացվել, թե՞ Ուկրաինայում երեխաների ներքին օրգանների վաճառքից, ապա ինչպե՞ս կարող է բանկն այդ ռիսկն իր վրա վերցնել»,– ընդգծեց ԿԲ նախագահը։

Նրա խոսքով` այս դեպքում բանկային համակարգը պետք է խելամտորեն կարողանա այդ ռիսկը կառավարել, ու այս դեպքում կրիպտոակտիվների սպասարկումը շատ ավելի հեշտ կլինի։

Այս թեմայով Յունիբանկի Թեժ հեռախոսակապի կենտրոնն աշխատանքային օրերին գործում է շուրջօրյա Յունիբանկը՝ «Ալաշկերտ» ֆուտբոլային ակումբի տիտղոսային հովանավոր Հայաստանում այսօր շատ շատ փող կա․ ԿԲ նախագահ. Տեսանյութ ՎՏԲ-Հայաստան Բանկը շարունակում է զարգացնել փոքր բիզնեսի վարկավորման հնարավորությունները Հովիկ Աբրահամյանի որդին, սպանված հովիվը և անհետացած 60 հազար դոլարը․ բացահայտում